ଫ୍ୟାନ୍ଙ୍କ ମନ ରଖିଲେ ଅମିତାଭ, ପାନ ମସଲା ସହ ବାତିଲ କଲେ ଚୁକ୍ତି
ବିଗ୍ ବି ତାଙ୍କ ଜନ୍ମଦିନରେ ବଡ ଘୋଷଣା କରିଛନ୍ତି । ପାନ୍ ମସଲାର ବ୍ରାଣ୍ଡିଂ କରୁଥିବାରୁ ତାଙ୍କୁ କିଛି ଦିନ ତଳେ ସମାଲୋଚନାର ଶିକାର ହେବାକୁ ପଡିଥିଲା । ଏହାକୁ ନେଇ ସେ ଉତ୍ତର ରଖିଥିଲେ । ହେଲେ ଫ୍ୟାନ୍ଙ୍କୁ ଦୁଃଖି କରିବାକୁ ସେ ଚାହାନ୍ତି ନାହିଁ । ତେଣୁ ସେ ଆଉ ପାନ ମସଲାର ବ୍ରାଣ୍ଡିଂ କରିବେନି ବୋଲି ଘୋଷଣା କରିଛନ୍ତି ।
କିଛିଦିନ ଧରି କମଳା ପସନ୍ଦ ପାନ ମସଲା ବ୍ରାଣ୍ଡର ବିଜ୍ଞାପନରେ ମେଗାଷ୍ଟାର ଅମିତାଭ ବଚ୍ଚନଙ୍କ ଫଟୋ ସାମ୍ନାକୁ ଆସିଥିଲା । ପାନ ମସଲାର ବ୍ରାଣ୍ଡିଂ କରିବା ଘଟଣା ମେଗାଷ୍ଟାରଙ୍କ ଅଗଣିତ ଫ୍ୟାନଙ୍କୁ ଦୁଃଖିତ କରିଥିଲା । ସୋସିଆଲ୍ ମିଡିଆରେ ଏ ନେଇ ବିଭିନ୍ନ ପ୍ରକାର ମନ୍ତବ୍ୟ ପ୍ରକାଶ ପାଇବା ପରେ ଶେଷରେ ପାନ ମସଲା ବ୍ରାଣ୍ଡ ସହ ଚୁକ୍ତି ବାତିଲ କରିଛନ୍ତି ବିଗ୍ ବି ।
ଅମିତାଭ କହିଛନ୍ତି, ସେ ଏକ ବିଜ୍ଞାପନ ଏଜେନ୍ସି ସହ ଚୁକ୍ତି କରିଥିଲେ । ହେଲେ ତାଙ୍କର ଫଟୋକୁ ଆଡ୍ ଏଜେନ୍ସି ପାନ ମସଲା ବ୍ରାଣ୍ଡ ସହ ଯୋଡିବା ନେଇ ସେ ଜାଣିନଥିଲେ । ପରେ ଜାତୀୟ ଟବାକୋ ବିରୋଧୀ ସଂସ୍ଥାର ସଭାପତି ଶେଖର ସଲକାର ପାନ ମସଲା ବିଜ୍ଞାପନରେ ଓହରିଯିବାକୁ ଅମିତାଭଙ୍କୁ ଅନୁରୋଧ କରିଥିଲେ । ପାନ ମସଲା ବିଜ୍ଞାପନ ଯୁବାବର୍ଗଙ୍କୁ ବିମୁଖଗାମୀ କରୁଥିବା ଅନୁଭବ କରି ଶେଷରେ ଚୁକ୍ତି ବାତିଲ କରିବା ସହ ସମସ୍ତ ଟଙ୍କା ମଧ୍ୟ ସେ ଫେରାଇଦେଇଥିବା ଜଣାପଡିଛି ।
Powered by Froala Editor
