କମେଡି ବାଦଶାହ ଉମର ଶରିଫଙ୍କ ଦେହାନ୍ତ
ପାକିସ୍ତାନୀ ହାସ୍ୟ ଅଭିନେତା ଉମର ଶରିଫ ଶନିବାର ଜର୍ମାନୀରେ ଶେଷନିଶ୍ୱାସ ତ୍ୟାଗ କରିଛନ୍ତି । ଗତ ସେପ୍ଟେମ୍ବର ୨୮ ତାରିଖରେ ଉମରଙ୍କୁ ଏୟାର ଆମ୍ବୁଲାନ୍ସରେ ଆମେରିକା ନିଆଯାଉଥିଲା । କିନ୍ତୁ ରାସ୍ତାରେ ତାଙ୍କ ଅବସ୍ଥା ବିଗିଡି ଯାଇଥିଲା । ତାଙ୍କୁ ଜର୍ମାନୀରେ ଚିକିତ୍ସା କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଛି । ଉମରଙ୍କ ବନ୍ଧୁଙ୍କ କହିବାନୁସାରେ, ଅଗଷ୍ଟରେ ତାଙ୍କୁ ହୃଦଘାତ ହୋଇଥିଲା । ଏପରିକି ତାଙ୍କର ଦୁଇଥର ବାଇପାସ ସର୍ଜରୀ ହୋଇସାରିଛି ।
ସୂଚନା ଯେ, ଉମର ୧୯୫୫ ମସିହା ଏପ୍ରିଲ ମାସ ୧୯ ତାରିଖରେ ଜନ୍ମଗ୍ରହଣ କରିଥିଲେ । ସେ କରାଚୀର ଲିୟାକତାବାଦରେ ଜନ୍ମଗ୍ରହଣ କରିଥିଲେ । ସେ ମାତ୍ର ୧୪ ବର୍ଷ ବୟସରେ ଅଭିନୟ ଆରମ୍ଭ କରିଥିଲେ । ପରେ ସେ କମେଡି ଦୁନିଆର ବାଦଶାହ ପାଲଟିଯାଇଥିଲେ ।
Powered by Froala Editor
