ମୁମ୍ବାଇ: ଖ୍ରୀଷ୍ଟ ମାସରେ ମୁକ୍ତିଲାଭ କରିବାକୁ ଥିବା ବଲିଉଡ୍ ଫିଲ୍ମ ଲାଲ୍ ସିଂ ଚଢ଼ା ସ୍ଥଗିତ ରଖାଯାଇଛି । ମହାମାରୀ ପାଇଁ ଏଭଳି ନିଷ୍ପତ୍ତି ନିଆଯାଇଥିବା ପ୍ରଯୋଜନା ସଂସ୍ଥା ପକ୍ଷରୁ ଇନ୍‌ଷ୍ଟାଗ୍ରାମ୍‌ରେ ସୂଚନା ଦିଆଯାଇଛି । ଏହାସହିତ ନୂଆ ତାରିଖ ଘୋଷଣା କରାଯାଇଛି । ୨୦୨୨ ଭାଲେଣ୍ଟାଇନ୍ ଡେ’ରେ ଫିଲ୍ମ ମୁକ୍ତିଲାଭ କରିବ ବୋଲି କୁହାଯାଇଛି ।

ଅମୀର ଖାନଙ୍କ ପ୍ରଡକ୍ସନ୍ସ ହାଉସ୍ ପକ୍ଷରୁ ଏହି ଚଳଚ୍ଚିତ୍ର ନିର୍ମାଣ ହୋଇଥିବା ବେଳେ ଏଥିରେ କରୀନା କପୁର, ମୋନା ସିଂ ଓ ନାଗା ଚୈତନ୍ୟ ଭଳି ବଲିଉଡ୍ ସୁପରଷ୍ଟାରମାନେ ଅଭିନୟ କରିଛନ୍ତି । ହଲିଉଡ ଫିଲ୍ମ 'ଫରେଷ୍ଟ ଗୁମ୍ପ'ର ଏହା ହିନ୍ଦୀ ରିମେକ୍ ।

ଫେବ୍ରୁଆରୀ ୨୦୨୨ରେ ଅମୀର ଖାନ୍ ଲାଲ ସିଂ ଚଢା ରିଲିଜ୍ କରିବାକୁ ଘୋଷଣା ପରେ ରଣବୀର ସିଂଙ୍କ କ୍ରିକେଟ୍ ଥିମ୍ ଚଳଚ୍ଚିତ୍ର ‘୮୩' ଖ୍ରୀଷ୍ଟମାସରେ ମୁକ୍ତିଲାଭ କରିବାକୁ ନିଷ୍ପତ୍ତି ନିଆଯାଇଛି । ରଣବୀର ସିଂ ତାଙ୍କ ପ୍ରଶଂସକଙ୍କ ପାଇଁ ଏକ ପୋଷ୍ଟ ସେୟାର କରିଛନ୍ତି । ଏଥିରେ ସେ ଲେଖିଛନ୍ତି ଏହି ଖ୍ରୀଷ୍ଟମାସ ସିନେମାର ସମୟ ଆସିଛି । ଏହା ହିନ୍ଦୀ, ତାମିଲ, ତେଲୁଗୁ, କନ୍ନଡ଼ ଓ ମାଲାୟାଲମ୍ ଭାଷାରେ ମୁକ୍ତିଲାଭ କରୁଛି ।

ରଣବୀରଙ୍କ ସହ ଦୀପିକା ପାଦୁକୋନଙ୍କ ଯୋଡ଼ି ଫିଲ୍ମ ‘୮୩'ରେ ପୁଣି ଥରେ ଦେଖିବାକୁ ମିଳିବ । ଏହି ଚଳଚ୍ଚିତ୍ରଟି ୧୯୮୪ ମସିହାରେ ଭାରତୀୟ କ୍ରିକେଟ୍ ଦଳର ବିଶ୍ୱକପ ବିଜୟ ଉପରେ ଆଧାରିତ । କବୀର ଖାନ ଏହାର ନିର୍ଦ୍ଦେଶନା ଦେଇଛନ୍ତି ।

Powered by Froala Editor