ଦନ୍ତେୱାଡାରେ ପୁଲିସ୍-ମାଓବାଦୀ ଗୁଳି ବିନିମୟ, ଜଣେ ନିହତ
ମାଲକାନଗିରି: ମାଲକାନଗିରି ସୀମାନ୍ତ ଛତିଶଗଡ଼ ଜିଲ୍ଲାର ଦନ୍ତେୱାଡାରେ ପୁଲିସ୍-ମାଓବାଦୀ ଭିତରେ ଗୁଳି ବିନିମୟ ହୋଇଛି । ଏଥିରେ ଜଣେ ମାଓବାଦୀ ନିହତ ହୋଇଛି । ତା ନାମ କୋଷା ବୋଲି ଜଣାପଡ଼ିଛି । କୋଷା ଗତ ୧୫ ବର୍ଷ ଧରି ମାଓ ସଂଗଠନରେ ରହିଥିବା ବେଳେ ଛତିଶଗଡ ସରକାର ତା ମୁଣ୍ଡ ଉପରେ ୫ଲକ୍ଷ ଟଙ୍କାର ପୁରସ୍କାର ରାଶି ଘୋଷଣା କରିଥିଲେ ।
ଦନ୍ତେୱାଡା ଏସପି ଅଭିଶେକ ପଲ୍ଲଭଙ୍କ ସୂଚନା ଅନୁଯାୟୀ, ନିଲାବାୟା ଜଙ୍ଗଲ ଭିତରେ ମାଓବାଦୀ ମାନେ ଏକ କ୍ୟାମ୍ପ କରି ରହିଥିବା ପୁଲିସ୍ର ଗୁଇନ୍ଦା ବିଭାଗକୁ ସୁଚନା ମିଳିଥିଲା । ଏହାପରେ ଡିଆରଜି ବାହିନୀ ପକ୍ଷରୁ ସେଠାରେ କୁମ୍ବିଂ ଅପରେସନ ଆରମ୍ଭ କରାଯାଇଥିଲା । ଦୁଇ ଘଣ୍ଟାରୁ ଅଧିକ ସମୟ ଧରି ଗୁଳି ବିନିମୟ ହେବା ପରେ ନକ୍ସଲମାନେ ଘଟଣାସ୍ଥଳ ଛାଡି ପଳାୟନ କରିଛନ୍ତି । ସର୍ଚ୍ଚ ଅପରେସନ ବେଳେ ଯବାନମାନେ କୋଷା ମୃତଦେହ ଉଦ୍ଧାର କରିଛନ୍ତି । ଘଟଣାସ୍ଥଳରୁ ଗୋଟିଏ 9MM ପିଷ୍ଟଲ, ୩ କିଲୋର ଆଇଇଟି ଏବଂ ଅନ୍ୟାନ୍ୟ ମାଓ ସାମଗ୍ରୀ ଜବତ ହୋଇଛି ।
Powered by Froala Editor
