ଦୀପାବଳିରେ ସିନେମାଘରକୁ ଆସିବ ‘ସୂର୍ଯ୍ୟବଂଶୀ’
![ଦୀପାବଳିରେ ସିନେମାଘରକୁ ଆସିବ ‘ସୂର୍ଯ୍ୟବଂଶୀ’](https://odishanewslens.com/news_gallery/6460_1632728455.jpg)
ଅକ୍ଷୟ କୁମାର ଓ କ୍ୟାଟ୍ରିନା କୈଫ୍ଙ୍କ ଫିଲ୍ମ 'ସୂର୍ଯ୍ୟବଂଶୀ'ର ରିଲିଜ୍ ଡେଟ୍ ଘୋଷଣା ହୋଇଛି। ଏନେଇ ଡାଇରେକ୍ଟର ରୋହିତ ସେଟ୍ଟି ସୂଚନା ଦେଇଛନ୍ତି। ଏହି ଫିଲ୍ମ ଚଳିତବର୍ଷ ଦୀପାବଳି ଅବସରରେ ରିଲିଜ୍ ହେବ ବୋଲି ରୋହିତ କହିଛନ୍ତି । କରୋନାର ସଂକ୍ରମଣ ହ୍ରାସ ପାଇବା ପରେ ରାଜ୍ୟରେ ସିନେମାଘର ୨୨ ଅକ୍ଟୋବରରୁ ଖୋଲିବ ବୋଲି ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ନିକଟରେ ଘୋଷଣା କରିଥିଲେ। ଏହାପରେ ରୋହିତ ସେଟ୍ଟି ନିଜ ଫିଲ୍ମ ସୂର୍ଯ୍ୟବଂଶୀକୁ ଦୀପାବଳିରେ ରିଲିଜ୍ କରିବାକୁ ଘୋଷଣା କରିଛନ୍ତି। ଏଥିପାଇଁ ରୋହିତ ମୁଖ୍ୟମନ୍ତ୍ରୀ ଉଦ୍ଧବ ଠାକରେଙ୍କୁ ଧନ୍ୟବାଦ ଦେଇଛନ୍ତି । ଏହା ସହ ଅକ୍ଷୟ କୁମାର ମଧ୍ୟ ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରେ ଏକ ପୋଷ୍ଟ ସେୟାର କରି ତାଙ୍କ ପ୍ରଶଂସକମାନଙ୍କୁ 'ସୂର୍ଯ୍ୟବଂଶୀ'ର ନୂଆ ରିଲିଜ୍ ତାରିଖ ବିଷୟରେ ଜଣାଇଛନ୍ତି।
Powered by Froala Editor