ସୋସିଆଲ୍ ମିଡିଆରେ ଟ୍ରୋଲ୍ ହେଲେ ରକୁଲ୍ ପ୍ରୀତ୍ ସିଂ, ଜାଣନ୍ତୁ କାହିଁକି...
ମୁମ୍ବାଇ: ପୁଣି ଚର୍ଚ୍ଚାରେ ବଲିଉଡ୍ ଅଭିନେତ୍ରୀ ରକୁଲ୍ ପ୍ରୀତ୍ ସିଂ । ନିଜ ଇନ୍ଷ୍ଟାଗ୍ରାମ୍ ଆଇଡିରେ ରକୁଲ୍ ଏକ ଫଟୋ ଅପଲୋଡ୍ କରିଛନ୍ତି । ଯେଉଁଥିରେ ସେ ପୂରା ଅଲଗା ପ୍ରକାର ଦେଖା ଯାଉଛନ୍ତି । ଏପରିକି ତାଙ୍କୁ ଚିହ୍ନିବା କଷ୍ଟକର ହୋଇପଡ଼ିଛି । ତାଙ୍କର ଏହି ଫଟୋକୁ ଫ୍ୟାନ୍ମାନେ ନାପସନ୍ଦ କରିବା ସହିତ ଟ୍ରୋଲ୍ କରିଛନ୍ତି । କିଛି ଜଣ ତାଙ୍କୁ କମେଂଟରେ ଟ୍ରୋଲ୍ କରିଥିବା ନଜିର ଆସିଛି ।
ରକୁଲ୍ ଏହି ଫଟୋ ସେୟାର କରି କ୍ୟାପସନରେ ଲେଖିଛନ୍ତି, ଅନ୍ ଡିମାଣ୍ଡ ପୋଷ୍ଟ । ଏହାସହିତ ସେ ହସୁଥିବା ଇମୋଜି ଦେଇଛନ୍ତି । ଫଟୋରେ ତାଙ୍କ ପତଳା ନାକ ଓ ଗାଲକୁ ଦେଖି ଲାଗୁଛି ସେ ପ୍ଲାଷ୍ଟିକ୍ ସର୍ଜରୀ କରିଛନ୍ତି । ତେଣୁ ଫ୍ୟାନ୍ମାନେ କମେଂଟରେ କହିଛନ୍ତି ଯେ, ଇଏ କିଏ? ସେହିପରି ଆଉ ଜଣେ ୟୁଜର୍ ଲେଖିଛନ୍ତି ଯେ, ପ୍ଲାଷ୍ଟିକ୍ ସର୍ଜରୀ କରିଛନ୍ତି କି, ବଲିଉଡ୍ ବାଲାଙ୍କୁ କ’ଣ ହୋଇଛି?
ରକୁଲ୍ ଫଟୋ ପୋଷ୍ଟ କରିବାର ମାତ୍ର କିଛି ସମୟ ଭିତରେ ୪ ଲକ୍ଷରୁ ଅଧିକ ଲାଇକ୍ ମିଳିଛି । ହେଲେ କମେଂଟ ଦେଖିଲେ ଲାଗୁଛି ଯେପରି ଫଟୋକୁ ଡିସଲାଇକ୍ ହୋଇଥିବା ସଂଖ୍ୟା ଅନେକ ରହିଛି । ତେବେ ରକୁଲ୍ଙ୍କ ଏହି ଫଟୋ ଏବେ ସୋସିଆଲ୍ ମିଡିଆରେ ଭାଇରାଲ୍ ହେବାରେ ଲାଗିଛି ।
Powered by Froala Editor
