ବୋନି ପାଇଲେ ଦୁବାଇ ଗୋଲ୍ଡେନ ଭିସା
ଫିଲ୍ମ ନିର୍ମାତା ବୋନି କପୁରଙ୍କୁ ଦୁବାଇ ସରକାର ଗୋଲ୍ଡେନ ଭିସା ପ୍ରଦାନ କରିଛନ୍ତି। ଦୁବାଇ ଓ ୟୁନାଇଟେଡ ଆରବ ଏମିରେଟସ ସରକାର ୨୦୧୯ ମସିହାରେ ଗୋଲ୍ଡେନ ଭିସା ପ୍ରଚଳନ କରିଥିଲେ। ଉଦ୍ୟୋଗୀଙ୍କ ସମେତ ନିବେଶକ, ପ୍ରଫେସନାଲସ ତଥା ବିଜ୍ଞାନ, ଜ୍ଞାନ ଓ ଖେଳ କ୍ଷେତ୍ରର ପ୍ରତିଭାବାନ ଲୋକେ ଏଥିପାଇଁ ଆବେଦନ କରିପାରିବେ ବୋଲି ନୀତି ନିର୍ଦ୍ଧାରିତ କରିଥିଲେ। ତେବେ ବଲିଉଡ ଇଣ୍ଡଷ୍ଟ୍ରିର ବୋନି କପୁର କି ତାଙ୍କ ପରିବାର ଏହି ଭିସା ପାଇବାରେ ପ୍ରଥମ ନୁହନ୍ତି। ଅତୀତରେ ଶାହରୁଖ ଖାନ, ସଞ୍ଜୟ ଦତ୍ତ, ସୁନୀଲ ସେଟ୍ଟୀ, ମାମ୍ମୁଟି, ମୋହନ ଲାଲ, ତୋଭିନୋ ଥୋମାସଙ୍କ ଭଳି ପ୍ରତିଷ୍ଠିତ ଫିଲ୍ମଷ୍ଟାରଙ୍କୁ ଦୁବାଇ ଗୋଲ୍ଡେନ ଭିସା ପ୍ରଦାନ କରିଛି।
ଏ ନେଇ କପୁର ମଙ୍ଗଳବାର ତାଙ୍କ ଟ୍ୱିଟରେ ସୂଚନା ଦେଇଥିବା ବେଳେ ଦୁବାଇ ତାଙ୍କୁ ଓ ତାଙ୍କ ପରିବାର ସଦସ୍ୟଙ୍କୁ ୧୦ ବର୍ଷ ପାଇଁ ଏହି ସମ୍ମାନଜନକ ଭିସା ପ୍ରଦାନ କରିଥିବା ସୂଚିତ କରିଛନ୍ତି। ଏଥିଲାଗି କପୁର ଦୁବାଇ ସରକାରଙ୍କ ନିକଟରେ ନିଜର କୃତଜ୍ଞତା ଜ୍ଞାପନ କରିଛନ୍ତି।
Powered by Froala Editor
