ଖୁବ୍ଶୀଘ୍ର ଓଟିଟିରେ ଡେବ୍ୟୁ କରିପାରନ୍ତି କିଙ୍ଗ ଖାନ୍
ମୁମ୍ବାଇ: ବଲିଉଡ୍ କିଙ୍ଗ ଖାନ୍ ଭାବେ ପରିଚିତ ଶାହରୁଖ୍ ଖୁବ୍ଶୀଘ୍ର ନିଜ ଫ୍ୟାନ୍ ଓ ପ୍ରଶଂସକଙ୍କୁ ଭେଟି ଦେବାକୁ ଯାଉଛନ୍ତି ସର୍ପାଇଜ୍ । ଯାହା ଖବର ମିଳୁଛି ସେ ବହୁତ ଜଲ୍ଦି ଡେବ୍ୟୁ କରିବେ ପଟିଟି ପ୍ଲାଟ୍ଫର୍ମରେ । ଯଦିଓ ଏନେଇ ସେ ବିଧିବଦ୍ଧ ଭାବେ କୌଣସି ସୂଚନା ଦେଇନାହାନ୍ତି, ତେବେ ଏନେଇ ଆଲୋଚନା ଜୋର୍ ଧରିଛି ।
ତାଙ୍କ ସମକକ୍ଷ କଳାକାର ଯେମିତିକି ଅଜୟ ଦେବଗନ୍, ଅକ୍ଷୟ କୁମାର, ସେଫ ଅଲି ଖାନ୍ ଏବଂ ସଞ୍ଜୟ ଦତ୍ତ ଏମାନେ ସମସ୍ତେ ଓଟିଟି ପ୍ଲାଟ୍ଫର୍ମରେ ପାଦ ଥାପି ସାରିଲେଣି । ତେଣୁ ଶାହରୁଖ୍ ମଧ୍ୟ କମ୍ ବ୍ଲାକ୍ କରିପାରନ୍ତି ବୋଲି ବିଭିନ୍ନ ଗଣମାଧ୍ୟମରେ ଖୁବ୍ ଜୋର୍ରେ ଚର୍ଚ୍ଚା ଚାଲିଛି ।
ଶାହରୁଖ୍ ସିଦ୍ଧାର୍ଥ ଆନନ୍ଦଙ୍କ ଫିଲ୍ମ ପଠାନ ସହିତ ବଡ ପରଦାକୁ କମ୍ ବ୍ୟାକ୍ କରିପାରନ୍ତି । ଡିଜ୍ନି + ହଟଷ୍ଟାର ପାଇଁ ଏକ ନୂଆ କମର୍ସିଆଲ୍ ଭିଡିଓରେ ଶାହରୁଖ୍ ଖାନଙ୍କର FOMO ଥିବା ଦେଖିବାକୁ ମିଳିଛି । ଏଥିରୁ ପ୍ରଶଂସକମାନେ ଅନୁମାନ କରୁଛନ୍ତି ଯେ ଏହା ତାଙ୍କର ଓଟିଟି ଡେବ୍ୟୁ ବିଷୟରେ ଏକ ସୂଚକ୍ । ତେବେ ଶାହରୁଖ୍ଙ୍କ ଏହି ନିଷ୍ପତ୍ତିକୁ ଦର୍ଶକମାନେ ଖୁବ୍ ପ୍ରଶଂସା କରିଛନ୍ତି । ତାଙ୍କ ଆଗାମୀ ପ୍ରୋଜେକ୍ଟକୁ ନେଇ ସମେସ୍ତ ଉତ୍କଷ୍ଠାର ସହିତ ଅପେକ୍ଷା କରିଛନ୍ତି । ଯେଭଳି ଭାବେ ବଡ଼ ପରଦାରେ ଶାହରୁଖ୍ ଧୁମ୍ ମଚାଉଥିଲେ ସେଭଳି ସେ ଓଟିଟି ପ୍ଲାଟ୍ଫର୍ମରେ ମଧ୍ୟ ସମସ୍ତଙ୍କ ମନ ଜିଣିବେ ବୋଲି ଆଶା କରାଯାଉଛି ।
Powered by Froala Editor
