ଗଣେଶ ମଣ୍ଡପରେ ପଶିପାରିବେନି ଭକ୍ତ, ମୁମ୍ବାଇରେ ଲାଗିଲା ୧୪୪ ଧାରା
ଗଣେଶ ପୂଜା ପାଇଁ ମୁମ୍ବାଇରେ ୧୪୪ ଧାରା ଲଗାଯାଇଛି । ମହାରାଷ୍ଚ୍ରରେ ଏବେବି କରୋନା ଦ୍ୱିତୀୟ ଲହରର ପ୍ରକୋପ ଜାରି ରହିଛି। ଏଣୁ ପାର୍ବଣରେ ଭୂତାଣୁ ସଂକ୍ରମଣ ନେଇ ସରକାର ଏପରି ପଦକ୍ଷେପ ନେଇଛନ୍ତି। ଏଣୁ ପୂଜା ମଣ୍ଡପକୁ ଯାଇ ଭକ୍ତଙ୍କ ପୂଜା ଉପରେ ଚଳିତବର୍ଷ ରୋକ ଲାଗିଯାଇଛି।
ମୁମ୍ବାଇ ପୋଲିସ ଦ୍ୱାରା ଜାରି ୧୪୪ ଧାରୀ ୧୦ ସେପ୍ଟେମ୍ବର ସକାଳୁ ଲାଗୁ ହେବ, ଯାହା ଗଣେଶ ଉତ୍ସବ ଉଦଯାପନ ପର୍ଯ୍ୟନ୍ତ ବଳବତ୍ତର ରହିବ। ଏହି ସମୟରେ ସହରର କୌଣସି ସ୍ଥାନରେ ୫ ଜଣ ଏକତ୍ର ହୋଇପାରିବେନି ବୋଲି ଆଇନରେ ବାରଣ ରହିଛି। ସେହିପରି ଗଣେଶ ଚତୁର୍ଥୀରେ ଲୋକଙ୍କ ପୂଜା ପେଣ୍ଡାଲ ବୁଲିବା ଉପରେ ବି ରୋକ ଲଗାଯାଇଛି। ଏହା ଛଡା ୧୪୪ ଧାରା ଯୋଗୁ ଗଣେଶ ଉତ୍ସବ ପାଳନ କାଳରେ ସହରର କୌଣସି ସ୍ଥାନରେ ବଡ କାର୍ଯ୍ୟକ୍ରମ ଆୟୋଜନର ଅନୁମତି ମଧ୍ୟ ଦିଆଯିବନି। ଏଣୁ କୌଣସି ସ୍ଥାନରେ ସାଂସ୍କୃତିକ କାର୍ଯ୍ୟକ୍ରମ ପାଳିତ ହୋଇପାରିବନି। ତେବେ ପୂଜା ପେଣ୍ଡାଲରୁ ଲୋକେ ଗଣେଶଙ୍କୁ ଅନଲାଇନ ଦର୍ଶନ କରିପାରିବେ।
Powered by Froala Editor
