କିଛି ଘଣ୍ଟାରେ କୋଟିଏ ଭିଜ୍ୟୁ ପାର୍ କଲା ‘କାଣ୍ଟା ଲଗା’ ନ୍ୟୁ ଭର୍ସନ
![କିଛି ଘଣ୍ଟାରେ କୋଟିଏ ଭିଜ୍ୟୁ ପାର୍ କଲା ‘କାଣ୍ଟା ଲଗା’ ନ୍ୟୁ ଭର୍ସନ](https://odishanewslens.com/news_gallery/5831_1631172816.jpg)
ରିଲିଜ ହେଉ ହେଉ ଭାଇରାଲ ହୋଇଛି ‘କାଣ୍ଟା ଲଗା’ର ନୂଆ ଭର୍ସନ । ନେହା କକ୍କର, ଟୋନି କକ୍କର ଓ ହନି ସିଂଙ୍କ ଏହି ରିମିକ୍ସ କିଛି ଘଣ୍ଟା ଭିତରେ ହିଁ ୧ କୋଟିୁ ଅଧିକ ଭ୍ୟୁଜ୍ ହାସଲ କରିଛି । ମିହିର ଗୁଲାଟୀଙ୍କ ଦ୍ୱାରା ନିର୍ଦ୍ଦେଶିତ ଏହି ଗୀତକୁ ଅଂଶୁଲ ଗର୍ଗଙ୍କ ଲେବଲ ଦେଶୀ ମ୍ୟୁଜିକ୍ ଫ୍ୟାକ୍ଟ୍ରି ଅଧୀନରେ ଜାରି କରାଯାଇଛି। ଅଂଶୁଲ କହିଛନ୍ତି, କାଣ୍ଟା ଲଗାର ଏହି ଭର୍ସନ ଶ୍ରୋତାଙ୍କ ମନକୁ ଛୁଇଁଯିବ । ନେହା, ଟୋନି ଓ ହନି ସିଂ ଏହି ସଙ୍ଗ୍କୁ ଫ୍ୟାନ ମାନଙ୍କ ପାଇଁ ସମର୍ପିତ କରିଛନ୍ତି । ଏଥିପାଇଁ ପୂରା ଟିମ୍କୁ ସେ ଧନ୍ୟବାଦ ଦେଇଛନ୍ତି ।
ନେହା କହିଛନ୍ତି, ମୁଁ ପୂର୍ବରୁ ବି ଟୋନି ଓ ୟୋ ୟୋ ହନି ସିଂଙ୍କ ସହିତ ଗୀତ ଗାଇଛି। 'କାଣ୍ଟା ଲଗା' ପାଇଁ ଏକ ସାଥୀରେ କାମ କରି ବହୁତ ମଜା ଆସିଲା। ଏହି ଦୁଇ କଳାକାରଙ୍କ ସହିତ ଗୀତ ଏକ ପାର୍ଟି ଭଳି ଥିଲା। ସେହିପରି ହନି ସିଂ କହିଛନ୍ତି, ଏହାକୁ ନେଇ ମୁଁ ବହୁତ ଉତ୍ସାହିତ ଥିଲି ଏବଂ ମୋତେ ଖୁସି ଲାଗୁଛି କି, ଏହା ଏବେ ରିଲିଜ୍ ହୋଇଯାଇଛି। ପାର୍ଟି ଜାରି ରହିଛି। ମୁଁ ଆଶା କରୁଛି କି, 'କାଣ୍ଟା ଲଗା'ରେ ଶ୍ରୋତାଙ୍କ ପାଇଁ ଏମିତି କିଛି ରହିଛି, ଯାହାର ସେମାନେ ଆନନ୍ଦ ନେଇ ପାରିବେ।
ଯେତେବେଳେ ଏହି ଗୀତ ରିଲିଜ୍ ହେବାର କଥା ସାମ୍ନାକୁ ଆସିଥିଲା, ସମସ୍ତଙ୍କୁ ଲାଗିଥିଲା କି, ଏହା ପୁରୁଣା ଗୀତର ହିଁ ନର୍ମାଲ ରିକ୍ରିଏଟ ଭର୍ସନ ହେବ। କିନ୍ତୁ ଗୀତ ଶୁଣିଲା ପରେ ଏକଦମ୍ ନୂଆ ପ୍ରକାରେ ଏହା ସାମ୍ନାକୁ ଆସିଛି। ଏହା ଫୁଲ୍ ଅନ୍ ପାର୍ଟି ସଙ୍ଗ୍, ଯେଉଁଥିରେ ହନି ସିଂଙ୍କ ର୍ୟାପ୍ ଏବଂ ଜବରଦସ୍ତ ମ୍ୟୁଜିକ୍ ଲୋକଙ୍କ ହୃଦୟ ଜିତି ନେଉଛି। ଗୀତକୁ ଏ ପର୍ଯ୍ୟନ୍ତ ୧ କୋଟି ୧୮ ଲକ୍ଷରୁ ଅଧିକ ଭ୍ୟୁଜ୍ ମିଳି ସାରିଲାଣି।
Powered by Froala Editor