ବାୟୁସେନା ପାଇଁ କିଣାଯିବ ୫୬ଟି ଟ୍ରାନ୍ସପୋର୍ଟ ଏୟାରକ୍ରାଫ୍ଟ
ଭାରତୀୟ ବାୟୁସେନା ପାଇଁ ୫୬ଟି ଟ୍ରାନ୍ସପୋର୍ଟ ବିମାନ କିଣିବାକୁ କେନ୍ଦ୍ରୀୟ ମନ୍ତ୍ରୀମଣ୍ଡଳ ମଞ୍ଜୁରୀ ଦେଇଛି । ଦେଶର ସୁରକ୍ଷା ମାମଲାକୁ ନେଇ ବସିଥିବା ବୈଠକରେ ବାୟୁସେନା ପାଇଁ ୫୬ଟି ସି-୨୯୫ ଏମ୍ଡବ୍ଲୁ ପରିବହନ ବିମାନ କିଣିବା ଲାଗି ପ୍ରସ୍ତାବରେ ମୋହର ଲାଗିଛି । ଏହି ବିମାନ ଗୁଡ଼ିକ ପାଇଁ ପ୍ରାୟ ୨୦ ହଜାରରୁ ୨୧ ହଜାର କୋଟି ଟଙ୍କା ଖର୍ଚ୍ଚ ହେବ ବୋଲି ସରକାର କହିଛନ୍ତି। ସରକାର କହିଛନ୍ତି ଯେ ୫୬ଟି ବିମାନରୁ ୧୬ଟି ଉଡ଼ାନ୍ତ ଅବସ୍ଥାରେ ସ୍ପେନ ସିଧାସଳଖ ଭାରତକୁ ଦେବ। ଚୁକ୍ତି ସ୍ୱାକ୍ଷର ହେବାର ୪୮ ମାସ ମଧ୍ୟରେ ଏଗୁଡ଼ିକର ଡେଲିଭରୀ ହେବ।
ବିଶେଷ କଥା ହେଉଛି ୬୦ ବର୍ଷ ତଳେ ଭାରତୀୟ ବାୟୁସେନାରେ ସାମିଲ ହୋଇଥିବା ବିମାନଗୁଡ଼ିକ ବଦଳରେ ଏଗୁଡ଼ିକୁ ବ୍ୟବହାର କରାଯିବ। ସେହିପରି ୫୬ଟି ବିମାନ ମଧ୍ୟରୁ ୪୦ଟି ଭାରତରେ ତିଆରି ହେବ। C-295MW ବିମାନରେ ୫ରୁ ୧୦ ଟନ୍ ଓଜନର ସାମଗ୍ରୀ ପରିବହନ କରାଯାଇ ପାରିବ। ଏହାକୁ ଅତ୍ୟାଧୁନିକ ଜ୍ଞାନକୌଶଳର ବ୍ୟବହାର କରି ପ୍ରସ୍ତୁତ କରାଯିବ । ଏଥିରେ ସଙ୍ଗେସଙ୍ଗେ ବାହାରକୁ ବାହାରିଯିବା ପାଇଁ ରିୟର ରାମ୍ପ ଡୁଅର, ପାରା ଡ୍ରମ୍ପିଂ ଏବଂ କାର୍ଗୋ ପାଇଁ ସୁବିଧା ରହିବ ।
Powered by Froala Editor
