'ହାର୍ଟ ବ୍ରେକର୍' ଟି-ସର୍ଟରେ ବେବୋ
ବଲିଉଡ୍ର ବେବୋ ଏବେ ପରିବାର ସହ ସମୟ ବିତାଉଛନ୍ତି । ଦୁଇ ପୁଅଙ୍କୁ ନେଇ ସେ ବେଶ୍ ସକ୍ରିୟ ଅଛନ୍ତି । ଏପରିକି କିଛି ଦିନ ପୂର୍ବରୁ କାର୍ରେ ଯିବା ବେଳେ ତାଙ୍କ ସାନ ପୁଅ ଜାହାଙ୍ଗୀରର ପ୍ରଥମ ଲୁକ୍ ଦେଖିବାକୁ ମିଳିଥିଲା । ଏସବୁ ବାଦ୍ ବେବୋଙ୍କ ଟି-ସର୍ଟକୁ ନେଇ ବି-ଟାଉନରେ ଏବେ ଚର୍ଚ୍ଚା ଜୋର ଧରିଛି । 'ହାର୍ଟ ବ୍ରେକର୍' ଲେଖା ଥିବା ତାଙ୍କର ଧଳା ଟି-ସର୍ଟର ମୂଲ୍ୟ ୮୪୦ ଆମେରିକୀୟ ଡଲାର୍ ଅର୍ଥାତ୍ ଭାରତୀୟ ମୁଦ୍ରାରେ ଏହାର ମୂଲ୍ୟ ୬୧ ହଜାର ୩୧୫ ଟଙ୍କା । ଏହା ହେଉଛି ଏକ ଗ୍ରାଫିକ ଟି-ସର୍ଟ। ଖ୍ରୀଷ୍ଟିଆନ ଡାୟର ବ୍ରାଣ୍ଡର ଏହି ଟି-ସର୍ଟ ପିନ୍ଧି କରୀନା ଫଟୋ ଶେୟାର କରିବା ସହ କ୍ୟାପସନ୍ରେ ଲେଖିଛନ୍ତି, 'ମୋର ଟି-ସର୍ଟ ଉପରେ କ'ଣ ଅଛି ଟିମ? ତୁମେ '।
ତେବେ ଯାହାବି ହେଉ କରୀନା ବାରମ୍ବାର ଏହି ଟି-ସର୍ଟରେ ନଜର ଆସିବା ପରେ ଚର୍ଚ୍ଚା ହେଉଛି । ଆଉ ଦେଖିବାକୁ ବାକି ରହିଲା ସେ କେବେ ପରଦାକୁ ଫେରୁଛନ୍ତି । କରୀନା କପୁରଙ୍କୁ ଫିଲ୍ମ 'ଲାଲ ସିଂ ଚଢା'ରେ ଦେଖିବାକୁ ମିଳିବ। ଅଦୈତ ଚନ୍ଦନଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ଅମିର ଖାନ ତାଙ୍କ ସହ ନଜର ଆସିବେ। ଫିଲ୍ମଟି ଚଳିତ ବର୍ଷ ଖ୍ରୀଷ୍ଟମାସରେ ମୁକ୍ତିଲାଭ କରିପାରେ।
Powered by Froala Editor
