୩ଟି ସିଟ ପାଇଁ ପ୍ରାର୍ଥୀ ଘୋଷଣା କଲା ଟିଏମସି, ଭବାନୀପୁରରୁ ମମତା
ପଶ୍ଚିମବଙ୍ଗରେ ହେବାକୁ ଥିବା ଉପ ନିର୍ବାଚନ ପାଇଁ ରବିବାର ଟିଏମସି ୩ଟି ସିଟ ପାଇଁ ପ୍ରାର୍ଥୀ ଘୋଷଣା କରିଛି । ଭବାନୀପୁରରୁ ମୁଖ୍ୟମନ୍ତ୍ରୀ ମମତା ବାନାର୍ଜି ଲଢ଼ିବେ । ସମଶେରଗଂଜରୁ ଅମିରୁଲ ଇସଲାମ ଓ ଜଙ୍ଗୀପୁରରୁ ଜାକିର ହୁସେନ ପ୍ରାର୍ଥୀ ହୋଇଛନ୍ତି ।
ଗତ ନିର୍ବାଚନରେ ମମତା ବାନାର୍ଜୀ ନନ୍ଦୀଗ୍ର।ମରୁ ବିଜେପି ନେତା ଶୁଭେନ୍ଦୁ ଅଧିକାରୀଙ୍କ ପାଖରୁ ପରାଜୟ ସ୍ବୀକାର କରିଥିଲେ। ଏହା ସତ୍ବେ ସେ ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ। କିନ୍ତୁ ସେ ୬ ମାସ ମଧ୍ୟରେ ନିର୍ବାଚନ ନଜିତିଲେ ତାଙ୍କୁ ମୁଖ୍ୟମନ୍ତ୍ରୀ ପଦ ଛାଡ଼ିବାକୁ ହେବ । ତେଣୁ ସେ ଭବାନୀପୁରରୁ ଉପନିର୍ବାଚନ ଲଢ଼ିବାକୁ ଯାଉଛନ୍ତି । ଏଥିପାଇଁ ୧୩ ସେପ୍ଟେମ୍ବର ନାମାଙ୍କନ ଭରିବାର ଶେଷ ତାରିଖ। ୩୦ ଅକ୍ଟୋବରରେ ଭୋଟ ପଡ଼ିବାକୁ ଥିବା ବେଳେ ୪ ଅକ୍ଟୋବରରେ ଫଳାଫଳ ପ୍ରକାଶ ପାଇବ । ଏହା ପୂର୍ବରୁ ଶନିବାର ନିର୍ବାଚନ ଆୟୋଗ ଆନ୍ଧ୍ରପ୍ରଦେଶ, ଓଡ଼ିଶା ସମେତ ପଶ୍ଚିମବଙ୍ଗର ୩ଟି ଆସନରେ ଉପନିର୍ବାଚନ ପାଇଁ ତାରିଖ ଘୋଷଣା କରିଥିଲେ।
Powered by Froala Editor
