ତାଲିବାନୀଙ୍କ ବର୍ବରତା: ଖୁସି ହୋଇ ଗୁଳି ଚଳାଇଲେ ତାଲିବାନୀ, ପ୍ରାଣ ହରାଇଲେ ମହିଳା ଓ ଶିଶୁ
କାବୁଲ: ନିଷ୍ଠୁର ତାଲିବାନୀଙ୍କ ଆଉ ଏକ ବର୍ବରତା ସାମ୍ନାକୁ ଆସିଛି। ତାଲିବାନ ପଞ୍ଜଶିର ଦଖଲ କରିବା ରିପୋର୍ଟ ପ୍ରକାଶ ପାଇବା କ୍ଷଣି କାବୁଲରେ ଥିବା ଏୟାର ସଦସ୍ୟମାନେ ଆଖୁବୁଜା ଗୁଳି ଚଳାଇ ଉତ୍ସବ ମନାଇଥିଲେ। ତେବେ ସେମାନଙ୍କର ଏପରି ବେପରୁଆ ଗୁଳି ଚାଳନା ଯୋଗୁ କାବୁଲରେ ମହିଳା ଓ ଶିଶୁଙ୍କ ସମେତ ଅନେକ ଲୋକ ପ୍ରାଣ ହରାଇଛନ୍ତି। ସେହିପରି କିଛି ଲୋକଙ୍କୁ ଗୁରୁତର ଅବସ୍ଥାରେ ହସ୍ପିଟାଲରେ ମଧ୍ୟ ଭର୍ତ୍ତି କରାଯାଇଛି।
ତାଲିବାନ ଗୁଳିରେ ନିରୀହ ଲୋକ ପ୍ରାଣ ହରାଇଥିଲେ ହେଁ ଏଥିପାଇଁ ସଂଗଠନ ଦୁଃଖ ମଧ୍ୟ ପ୍ରକାଶ କରିନାହିଁ। ବରଂ ସଂଗଠନ ଏବେ ସରକାର ଗଠନ ପାଇଁ ପାଗ ଭିଡ଼ିଛି। ସ୍ଥାନୀୟ ଗଣମାଧ୍ୟମର ରିପୋର୍ଟ ଅନୁସାରେ, ଶୁକ୍ରବାର ରାତିରେ ହଠାତ୍ ତାଲିବାନ ପଞ୍ଜଶିରକୁ ଦଖଲ କରିଥିବା ରିପୋର୍ଟ ପ୍ରକାଶ ପାଇଥିଲା।
Powered by Froala Editor
