ଭ୍ୟାକସିନର ଦୁଇଟି ଡୋଜ୍ ନେବା ପରେ ଫରା କରୋନା ପଜିଟିଭ
କରୋନା ଟିକାର ଦୁଇଟି ଯାକ ଡୋଜ୍ ନେବା ପରେ କୋରିୟଗ୍ରାଫର ଫରା ଖାନ କରୋନାରେ ଆକ୍ରାନ୍ତ ହୋଇଛନ୍ତି। ତାଙ୍କ ଟେଷ୍ଟ ରିପୋର୍ଟ ପଜିଟିଭି ଆସିଥିବା ଫରା ନିଜେ ଇନଷ୍ଟାଗ୍ରାମରେ ସୂଚନା ଦେଇଛନ୍ତି। ଫରା କହିଛନ୍ତି, “ମୁଁ ଭାବୁଛି କଳା ଟୀକା ଲଗାଇ ନଥିବାରୁ ବୋଧେ ମୋ ସହ ଏମିତି ଘଟିଲା। ମୁଁ ନିଜେ ଟିକାର ଦୁଇଟି ଯାକ ଡୋଜ୍ ନେବା ସହ ଟିକାର ଡବଲ ଡୋଜ୍ ନେଇଥିବା ଅଧିକାଂଶ ଲୋକଙ୍କ ସହ କାମ କରୁଥିଲି। ତଥାପି ମୋ ଟେଷ୍ଟ ରିପୋର୍ଟ ପଜିଟିଭ ଆସିଛି। ମୁଁ ମୋ ସଂସ୍ପର୍ଶରେ ଆସିଥିବା ସମସ୍ତଙ୍କୁ ନିଜ ନିଜର ଟେଷ୍ଟ କରାଇ ନେବାକୁ ପୂର୍ବରୁ ହିଁ କହିସାରିଛି। ଯଦି ବି ମୁଁ କାହାକୁ କହିବାକୁ ଭୁଲି ଯାଇଛି, ତା’ହେଲେ ସେମାନେ ନିଜ ତରଫରୁ ଟେଷ୍ଟ କରାଇ ନିଅନ୍ତୁ। ଆଶା ଖୁବଶୀଘ୍ର ସୁସ୍ଥ ହୋଇଯିବି।”
Powered by Froala Editor
