ବଙ୍ଗଳା ଫିଲ୍ମର ସୁପରହିଟ୍‌ ଅଭିନେତ୍ରୀ ତଥା ତୃଣମୂଳ କଂଗ୍ରେସ ସାଂସଦ ନୁସରତ ଜହାଁ, ଏକ ଶିଶୁପୁତ୍ରକୁ ଜନ୍ମ ଦେଇଛନ୍ତି। ହେଲେ ତାଙ୍କ ପୁଅର ନାଁକୁ ନେଇ ସୋସିଆଲ ମିଡିଆରେ ପ୍ରଶ୍ନ ଉଠିଛି।  ନୁସରତ ନିଜ ପୁଅକୁ ତା’ ବାପାର ନାଁ ଦେବେନି ବୋଲି କହିଛନ୍ତି ।  ନୁସରତ ଏଭଳି କହିବାର ଅର୍ଥ ହେଉଛି.. ସେ ତାଙ୍କ ପୁଅର ନାଁରେ ଟାଇଟଲ ବା ସାଜ୍ଞା ତାଙ୍କ ସ୍ୱାମୀଙ୍କ ନାମ ଅନୁସାରେ ଦେବେ ନାହିଁ। ନୁସରତ ପୁଅର ନାଁ ଖୁଲାସା କରିଥିବା ବେଳେ ନବଜାତକର ନାଁ 'ଇଶାନ' ରଖିଛନ୍ତି। ସେ ହିଁ ତାଙ୍କ ପୁଅର ଏକାକି ଅଭିଭାବକ ତଥା ସିଙ୍ଗଲ ମଦର ରହିବେ।   

ଅନ୍ୟପଟେ ନୁସରତଙ୍କ ସ୍ୱାମୀ ନିଖିଲ ମଧ୍ୟ ପୂର୍ବରୁ ହିଁ ଏହି ଛୁଆଟି ତାଙ୍କର ନୁହେଁ ବୋଲି  ସଫା ସଫା ମନା କରି ଦେଇଛନ୍ତି। କାରଣ ୨୦୨୦ରୁ ନୁସରତ ଓ ସିଏ ଏକାଠି ରହୁନଥିଲେ। ନୁସରତ ତାଙ୍କ ଠାରୁ ଅଲଗା ହୋଇ ରହୁଛନ୍ତି। ସେପଟେ ଅଗଷ୍ଟ ୨୬ରେ ନୁସରତ ପୁତ୍ର ସନ୍ତାନକୁ ଜନ୍ମ ଦେଇଥିଲେ। ଡେଲିଭରୀ ବେଳେ ଅଭିନେତା ୟଶ୍‌ ଦାସଗୁପ୍ତା ହସ୍ପିଟାଲରେ ଉପସ୍ଥିତ ଥିଲେ। ଏଥିରୁ ସନ୍ଦେହ କରାଯାଉଛି ଯେ, ସେ ହିଁ ନୁସରତଙ୍କ ଛୁଆର ବାପା। 

ସୂଚନା ଅନୁଯାୟୀ ୨୦୧୯ରେ ନୁସରତ ଜାହାଁ ତୁର୍କୀରେ ନିଖିଲ ଜୈନ୍‌ଙ୍କୁ ବିବାହ କରିଥିଲେ। ବିବାହର କିଛି ଦିନ ପରେ ସେ ନିଖିଲଙ୍କ ଠାରୁ ଅଲଗା ହୋଇ ଯାଇଥିଲେ। ଏହାପରେ ତାଙ୍କ ବିବାହକୁ ନେଇ ବିବାଦ ବଢ଼ିଥିଲା। ଏପରିକି ସଂସଦ ଯାଏଁ ମଧ୍ୟ କଥା ଯାଇଥିଲା। ତୁର୍କୀ ବିବାହ ନିୟମାବଳୀ ଅନୁଯାୟୀ ବିଦେଶୀ ମାଟିରେ ତାଙ୍କର ବିବାହ ହୋଇଥିବାରୁ ଏହା  ଅବୈଧ ବୋଲି ଦାବି କରିଥିଲେ ନୁସରତ।

Powered by Froala Editor