ଭୁବନେଶ୍ୱର: କରୋନାର ସମ୍ଭାବ୍ୟ ତୃତୀୟ ଲହର ଏବେ ସମସ୍ତଙ୍କୁ ଚିନ୍ତାରେ ପକାଇଛି । ବିଶେଷଜ୍ଞମାନେ ତୃତୀୟ ଲହର ଆସନ୍ତା ସେପ୍ଟେମ୍ବର କିମ୍ବା ଅକ୍ଟୋବରରେ ଆସିପାରେ ବୋଲି ଅନୁମାନ କରୁଛନ୍ତି । ଏହି ସମୟରେ ପାର୍ବଣ ଋତୁ ଥିବାରୁ ଲୋକମାନେ ବାହାରକୁ ଆସି ଭିଡ଼ ନ ଜମାଇବା ଲାଗି ସରକାରଙ୍କ ପକ୍ଷରୁ ନିବେଦନ କରାଯାଇଛି । ରାଜ୍ୟ ଜନସ୍ୱାସ୍ଥ୍ୟ ନିର୍ଦେଶକ ଡା. ନିରଞ୍ଜନ ମିଶ୍ର କହିଛନ୍ତି ଯେ ରାଜ୍ୟରେ ଦ୍ୱିତୀୟ ଲହର ଥିକ୍‌ ଟେଲ ବା ମୋଟା ଲାଞ୍ଜ ପରିସ୍ଥିତିରେ ରହିଛି । ଭୁବନେଶ୍ୱରରେ ମଧ୍ୟ ସଂକ୍ରମଣ ପୂର୍ବାପେକ୍ଷା କମିଛି । ପ୍ରଥମ ଲହରରେ ଶିଶୁମାନେ ସଂକ୍ରମିତ ହେଉଥିଲେ ଏବେ ବି ହେଉଛନ୍ତି । ଯେହେତୁ ୧୮ବର୍ଷରୁ କମ୍‌ ପିଲାଙ୍କୁ ଟିକା ଦିଆଯାଇନି ତେଣୁ ସେମାନେ ସଂକ୍ରମିତ ହେବାର ଅଧିକ ଆଶଙ୍କା ରହିଛି । ଟିକା ନେବା ପରେ ବି ଲୋକମାନେ ସଂକ୍ରମିତ ହେବେ ମାତ୍ର ଗୁରୁତର ହେଉ ନାହାନ୍ତି । ତେବେ ଶିଶୁମାନଙ୍କ ଉପରେ ଅଧିକ ଗୁରୁତ୍ୱ ଦିଆଯାଉଛି ବୋଲି ଡା. ମିଶ୍ର କହିଛନ୍ତି । ତେବେ ରାଜ୍ୟରେ ସମ୍ଭାବ୍ୟ ତୃତୀୟ ଲହରରେ ଦୈନିକ ସଂକ୍ରମଣ ୧୪ହଜାର ଛୁଇଁପାରେ ବୋଲି ପର୍ବରୁ ଡିଏମଇଟି ପ୍ରଫେସର ଡା. ସିବିକେ ମହାନ୍ତି ସୂଚନା ଦେଇ ସାରିଛନ୍ତି । ତେଣୁ ଏହାକୁ ନଜରରେ ରଖି ରାଜ୍ୟ ସରକାର ପୂର୍ବ ପ୍ରସ୍ତୁତି କରିଛନ୍ତି । ତୃତୀୟ ଲହରରେ ପାଇଁ ଯାହା ଆବଶ୍ୟକ ରହିଛି ତାହା ତୁଳନାରେ ସରକାର ଅଧିକ ପ୍ରସ୍ତୁତ ରହିଛନ୍ତି ବୋଲି ସେ କହିଥିଲେ । ରାଜ୍ୟରେ ନମୁନା ପରୀକ୍ଷାରେ ହଠାତ୍‌ ହ୍ରାସ ଦେଖିବାକୁ ମିଳିଛି । ଯାହାଫଳରେ ସଂକ୍ରମିତଙ୍କ ସଂଖ୍ୟା ପାଇଛି ।

Powered by Froala Editor