ପାକିସ୍ତାନ ପାଇଁ କଶ୍ମୀରକୁ ଫେରାଇ ଆଣିବ ତାଲିବାନ
ନୂଆଦିଲ୍ଲୀ: ଆଫଗାନିସ୍ଥାନକୁ ତାଲିବାନ ଦଖଲ କରସାରିବା ପରେ ବର୍ତ୍ତମାନ ଭାରତ ଉପରେ ଆକ୍ରମଣ ନେଇ ଷଡଯନ୍ତ୍ର ଚାଲିଛି । ତାଲିବାନୀ ପାକିସ୍ତାନ ପାଇଁ କଶ୍ମୀରକୁ ଫେରାଇ ଆଣିବେ ବୋଲି କହିଛି । ତାଲିବାନୀ ଆତଙ୍କୀଙ୍କୁ ଚୀନ ଓ ପାକିସ୍ତାନ ସମର୍ଥନ କରୁଥିବା କୁହାଯାଉଥିବା ବେଳେ ପାକିସ୍ତାନର ଏକ ରାଜନୈତିକ ଦଳ ପାକିସ୍ତାନୀ ସେନାର ତାଲିବାନୀ ସହ ସମ୍ପର୍କ ଥିବା କହିଛି । ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ଙ୍କ ଠାରୁ ଆରମ୍ଭ କରି ଶାସକ ଦଳର ନେତା ସମସ୍ତେ ତାଲିବାନ ସପକ୍ଷରେ ବୟାନବାଜୀ ଆରମ୍ଭ କରିଦେଇଛନ୍ତି । ପାକିସ୍ତାନର ତେହରୀକ ଇନ୍ସାଫ୍ (ପିଟିଆଇ)ର ନୀଲମ୍ ଇର୍ସାଦ ଶେଖ୍ ଠାରୁ ଆରମ୍ଭ କରି ଶାସକ ଦଳର ଅନ୍ୟ ନେତା ମଧ୍ୟ ତାଲିବାନୀ ସପକ୍ଷରେ ବୟାନବାଜୀ ଆରମ୍ଭ କରିଦେଇଛନ୍ତି । ନୀଲମ୍ ସର୍ସାଦ ଶେଖ୍ ଏକ ଲାଇଭ ଟିଭି ଡିବେଟ୍ରେ ତାଲିବାନକୁ ନିଜର ସାଥୀ ବୋଲି ସ୍ୱୀକାର କରିଛନ୍ତି ।
ନୀଲମଙ୍କ ଏଭଳି ବୟାନ ଶୁଣି ଲାଇଭ ସୋ’ରେ ଉପସ୍ଥିତ ଥିବା ସମସ୍ତ ଅତିଥି ଏବଂ ଖବର ଉପସ୍ଥାପିକ ହସିବାକୁ ଲାଗିଥିଲେ ।
Powered by Froala Editor
