ରୋଡ୍ ଟ୍ୟାକ୍ସ ଦେଇନଥିବା ଅଭିଯୋଗରେ ଅମିତାଭ ବଚ୍ଚନଙ୍କ Rolls Royce କାର୍‌କୁ ଜବତ କରିଛି ବେଙ୍ଗାଲୁରୁ ପରିବହନ ବିଭାଗ । ଅନେକ ଲୋକ ରୋଡ୍ ଟ୍ୟାକ୍ସ ଦେଉନଥିବାରୁ ବେଙ୍ଗାଲୁରୁ ପରିବହନ ବିଭାଗ ପକ୍ଷରୁ ଚଢ଼ାଉ କରାଯାଇଥିଲା। ଏଥିରେ ରୋଲ୍ସ ରୟସ୍, ଫେରାରି ଏବଂ ପର୍ଶ କାର ଭଳି ୧୦ଟି ବିଳାସମୟ କାର ଜବତ କରାଯାଇଛି। ସହରରେ ଟ୍ରାଫିକ ନିୟମ ଭାଙ୍ଗିବା, ନକଲି କାଗଜପତ୍ର ରଖିବା ଓ ରୋଡ୍ ଟ୍ୟାକ୍ସ ନଦେଇ ଗାଡ଼ି ଚଲାଉଥିବାରୁ ଗାଡ଼ିଗୁଡ଼ିକ ସିଜ୍ କରିଛି ପରିବହନ ବିଭାଗ।

ତେବେ ଗୁରୁତର କଥା ହେଉଛି ଜବତ ହୋଇଥିବା କାର୍‌ ମଧ୍ୟରୁ ଗୋଟିଏ ବଲିଉଡ୍‌ ବିଗ୍‌ ବି ଅମିତାଭ ବଚ୍ଚନଙ୍କ ନାଁରେ ରହିଛି। ତେବେ ବିଗ୍ ବି ଙ୍କ କାର୍ ଜବତ ପରେ ଅସଲ କଥା ସାମନାକୁ ଆସିଛି ।  

୨୦୧୯ରେ ନିଜର ରୋଲ୍ସ ରୟସ୍ ଫାଣ୍ଟମ କାରକୁ ଅମିତାଭ ବଚ୍ଚନ ବେଙ୍ଗାଲୁରୁର ଜଣେ ବ୍ୟବସାୟୀ ୟୁସୁଫ ଶରିଫ ଓରଫ ସ୍କ୍ରାପ୍ ବାବୁକୁ ବିକ୍ରି କରିଦେଇଥିଲେ। ତେବେ ଅଧିକାରୀଙ୍କ ମତରେ କାରର ଦାମ ୩.୫ କୋଟି ହୋଇଥିବା ବେଳେ ୟୁସୁଫ୍ ୬ କୋଟି ଟଙ୍କା ଦେଇ କିଣିଥିଲେ। ଏହା ସହ କାର କାଗଜ ପତ୍ରରେ ୟୁସୁଫ୍ ନିଜ ନାଁ ଲେଖିନଥିଲା। ଗାଡ଼ି କାଗଜପତ୍ରରେ ଅମିତାଭଙ୍କ ନାଁ ହିଁ ଥିଲା। ଯେତେବେଳେ ୟୁସୁଫଙ୍କ ଡ୍ରାଇଭର କାର ଏମଜି ରୋଡରେ ପାର୍କ କଲା ସେତେବେଳେ କାରଟିକୁ ପୋଲିସ ଜବତ କରିଥିଲା। ୟୁସୁଫର ଡ୍ରାଇଭର ଆରଟିଓ ଅଫିସ୍ ଯିବା ପରେ ପ୍ରଥମେ କାରର ଓନରସିପ୍ ଟ୍ରାନ୍ସଫର କରିବାକୁ ଅଧିକାରୀମାନେ କହିଥିବା ଜଣାପଡ଼ିଛି। 

Powered by Froala Editor