ବକ୍ସ ଅଫିସରେ ଧମାଲ କଲା ‘ବେଲ୍ ବଟମ୍’ କିନ୍ତୁ ୩ ଦେଶରେ ବ୍ୟାନ୍
ଅଗଷ୍ଟ ୧୯ରେ ଖିଲାଡ଼ି କୁମାରଙ୍କ ବହୁ ପ୍ରତିକ୍ଷିତ ବେଲ ବଟମ ମୁକ୍ତିଲାଭ କରିଛି । ଫିଲ୍ମ ରିଲିଜର ପ୍ରଥମ ସପ୍ତାହରେ ଏହା ମିଶ୍ରିତ ଫଳ ପ୍ରଦାନ କରିଛି। ବକ୍ସ ଅଫିସ୍ ଇଣ୍ଡିଆ ଅନୁଯାୟୀ ଅକ୍ଷୟ କୁମାରଙ୍କ ବେଲବଟମ୍ ୩ ଦିନରେ ପ୍ରାୟ ୮.୭୫ କୋଟି ଆୟ କରିବାରେ ସଫଳ ହୋଇଛି। କିନ୍ତୁ ବେଲବଟମକୁ ୩ଟି ଦେଶରେ ବ୍ୟାନ୍ କରାଯାଇଛି। ସାଉଦି ଆରବ, କୁଏତ ଏବଂ କତାର ତିନି ଆରବ ଦେଶରେ ଅକ୍ଷୟ କୁମାରଙ୍କ ଫିଲ୍ମ ବେଲ ବଟମ୍ ରିଲିଜ୍ କରିବାକୁ ବାରଣ କରାଯାଇଛି। ଏହି ଦେଶର ସେନ୍ସର ବୋର୍ଡ ଫିଲ୍ମର ଏକ ଦୃଶ୍ୟକୁ ବିରୋଧ କରିଥିବା ଯୋଗୁଁ ଫିଲ୍ମର ରିଲିଜ ଉପରେ ପ୍ରତିବନ୍ଧକ ଲଗାଯାଇଛି। ସୂଚନାନୁସାରେ, ୟୁଏଇର ସେନ୍ସର ବୋର୍ଡ କହିଛି ଯେ ଫିଲ୍ମ ବେଲ ବଟମ ତିନି ଦେଶର ଖରାପ ଚିତ୍ର ପ୍ରଦର୍ଶିତ ହୋଇଛି। କିଛି ବିବାଦୀୟ ଦୃଶ୍ୟ ଯୋଗୁ ଏହାକୁ କିଛି ଦେଶରେ ବ୍ୟାନ୍ ମଧ୍ୟ କରାଯାଇଥିବା ଜାଣିବାକୁ ମିଳିଛି।
ଅନ୍ୟପକ୍ଷରେ ମହାରାଷ୍ଟ୍ର, ଆସାମ, ତାମିଲନାଡୁ ଏବଂ କେରଳରେ ବେଲ ବଟମ ମୁକ୍ତିଲାଭ କରି ନଥିବା ଯୋଗୁଁ ବ୍ୟବସାୟରେ ପ୍ରଭାବ ପଡିଛି । ସିନେମା ହଲ୍ ବନ୍ଦ ଯୋଗୁ ଫିଲ୍ମ ଆଶା ମୁତାବକ ବ୍ୟବସାୟ ହୋଇପାରୁନଥିବା କୁହାଯାଉଛି।
Powered by Froala Editor
