ବିଶୃଙ୍ଖଳିତ ଆଚରଣ କରିଥିଲେ, ଏବେ କ୍ଷମା ମାଗିଲେ
ବିଶୃଙ୍ଖଳିତ ଆଚରଣ ଯୋଗୁ ଭାରତୀୟ କୁସ୍ତି ସଂଘ ମହିଳା ରେସଲର ଭିନେଶ ଫୋଗଟଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା । ଏହି ଘଟଣା ନେଇ ଭିନେଶ କ୍ଷମା ମାଗିଛନ୍ତି । କିନ୍ତୁ ଡବ୍ଲ୍ୟୁଏଫଆଇ ଏବେ ବି ଅସନ୍ତୁଷ୍ଟ ରହିଛି । ଡବ୍ଲ୍ୟୁଏଫଆଇ ଅଧ୍ୟକ୍ଷ ବ୍ରିଜଭୂଷଣ ଶରଣ ସିଂଙ୍କ ମତରେ ଭିନେଶଙ୍କ ପରି ସିନିୟର ରେସଲର ଯଦି ଏ ଭଳି ବିଶୃଙ୍ଖଳିତ ଆଚରଣ ପ୍ରଦର୍ଶନ କରିବେ ତାହାହେଲେ ଅନ୍ୟମାନେ କଣ ଶିଖିବେ । ଏବେ ଏହି ଘଟଣାର ବିଚାର ଅନୁଶାସନ ସମିତି କରିବ ବୋଲି ସେ କହିଛନ୍ତି । ଯଦି କୌଣସି ଖେଳାଳି ଜେଏସଡବ୍ଲ୍ୟୁ ଓ ଓଜିକ୍ୟୁ ପରି ଅନୁଷ୍ଠାନ ସହିତ ଜଡିତ ହେବେ ସେମାନଙ୍କୁ ଖେଳିବା ସୁଯୋଗ ପ୍ରଦାନ କରାଯିବ ନାହିଁ ବ୍ରିଜଭୂଷଣ ସ୍ପଷ୍ଟ କରିଛନ୍ତି ।
ସୂଚନା ଯେ, ଟୋକିଓ ଅଲିମ୍ପିକ୍ସ ଅବସରରେ ଭିନେଶ ଅଫିସିଆଲ ସ୍ପନଶର ବଦଳରେ ଅନ୍ୟ ଏକ ପ୍ରାୟୋଜକଙ୍କ ଲୋଗୋ ବ୍ୟବହାର କରିଥିଲେ । ଏହା ବ୍ୟତୀତ ସାଥୀ ଖେଳାଳିଙ୍କ ସହ ଟ୍ରେନିଂ ମଧ୍ୟ ନେଇନଥିଲେ ।
Powered by Froala Editor
