ସେନାକୁ ମିଳିଛି ସଫଳତା, ସ୍ବାଧୀନତା ଦିବସର ପୂର୍ବରୁ ଆତଙ୍କବାଦୀ ଗିରଫ
ଶ୍ରୀନଗର: ପଣ୍ତ ହେଉଛି ପାକିସ୍ତାନର ଗୋଟିଏ ପରେ ଗୋଟିଏ ଯୋଜନା । ସ୍ବାଧୀନତା ଦିବସର ଦିନକ ପୂର୍ବରୁ ସେନାକୁ ମିଳିଛି ସଫଳତା । ଧରାପଡିଛି ପାକିସ୍ତାନର ଚକ୍ରାନ୍ତ । ଜମ୍ମୁ କାଶ୍ମୀରର କିସ୍ତୱାର ଜିଲ୍ଲାରୁ ଗିରଫ ହୋଇଛି ଆତଙ୍କବାଦୀ । ଗିରଫ ଆତଙ୍କବାଦୀ ହିଜବୁଲ ମୁଜାଦ୍ଧିନ ସଂଗଠନର ହୋଇଥିବା ସୂଚନା ମିଳିଛି । ତା’ ନାଁ ମୁଜାମିଲ ହୁସେନ ଶାହା । ସେ ଗତ କିଛି ଦିନ ପୂର୍ବରୁ ଆତଙ୍କୀ ସଂଗଠନରେ ଯୋଡି ହୋଇଥିଲା ।
ସୂଚନା ଅନୁସାରେ, ଜମ୍ମୁ କାଶ୍ମୀରର କୁଲନା ଜଙ୍ଗଲ ଅଞ୍ଚଳରେ ଲୁଚି ଥିବା ନେଇ ସେନାକୁ ଖବର ମିଳିଥିଲା । ପରେ ରାଷ୍ଟ୍ରିୟ ରାଇଫଲ ଓ ସିଆରପିଏଫ ପକ୍ଷରୁ ଆରମ୍ଭ ହୋଇଥିଲା ମିଳିତ ଅପରେସନ । ପୁରା ଅଞ୍ଚଳକୁ ଘେରି ଯାଇଥିଲା ସୁରକ୍ଷାବାହିନୀ । ଆତଙ୍କୀଙ୍କ ଉପରକୁ ସୁରକ୍ଷା ବାହିନୀ ଗୁଳିମାଡ କରିଥିଲା । ସେନା ପକ୍ଷରୁ ମଧ୍ୟ ପ୍ରତି ଜବାବ ଦିଆଯାଇଥିଲା । ଏହି ଅପରେସନରୁ ଜଣେ ଆତଙ୍କୀକୁ ଗିରଫ କରିବାର ସଫଳ ହୋଇଥିଲା ସେନା । ତା ଠାରୁ ଗୋଟିଏ ଗ୍ରେନେଡ, ମାଗାଜିନ ଓ ୩୦ ରାଉଣ୍ତ ଗୁଳି ଜବତ କରାଯାଇଥିଲା । ଏନେଇ ଡାଚନ ଥାନାରେ ଏକ ମାମଲା ରୁଜୁ କରାଯାଇଛି । ଏନେଇ ଅଧିକ ତଦନ୍ତ ଆରମ୍ଭ ହୋଇଛି ।
Powered by Froala Editor
