ପୁଣି ସୋସିଆଲ ମିଡିଆରେ ଭାଇରାଲ ହେଉଛି ଶ୍ରୀ ଲିଙ୍ଗରାଜଙ୍କ ଗର୍ଭ ଫଟୋ
ଭୁବନେଶ୍ୱର: ଶ୍ରୀଲିଙ୍ଗରାଜଙ୍କ ଗର୍ଭଗୃହର ଫଟୋ ପୁଣି ସୋସିଆଲ ମିଡିଆରେ ଭାଇରାଲ ହେଉଛି । ଏହାକୁ କେନ୍ଦ୍ର କରି ଭକ୍ତଙ୍କ ମଧ୍ୟରେ ଘୋର ଅସନ୍ତୋଷ ଦେଖାଦେଇଛି । ମନ୍ଦିର ବେଢ଼ାରେ ଫଟୋ ଉଠାଇବା କ୍ଷେତ୍ରରେ ନିଷିଦ୍ଧାଞ୍ଚଳ ଥିବା ବେଳେ ପୁରା ଗର୍ଭଗୃହରେ ଶ୍ରୀଲିଙ୍ଗରାଜଙ୍କ ବେଶ ଫଟୋ ସୋସିଆଲ ମିଡିଆରେ ବୁଲୁଛି । ଏହି ଘଟଣା ଶ୍ରୀଲିଙ୍ଗରାଜ ମନ୍ଦିର ସୁରକ୍ଷାକୁ ଅଙ୍ଗୁଳି ନିଦେ୍ର୍ଧଶ କରୁଛି । ମନ୍ଦିର ବେଢ଼ାକୁ ମୋବାଇଲ, କ୍ୟାମେରା ନେବା ଉପରେ ପ୍ରତିବନ୍ଧକ ରହିଛି । ଏଥିପାଇଁ ସିଂହଦ୍ୱାରରେ ସୁରକ୍ଷାକର୍ମୀ ନିୟୋଜିତ ହୋଇଛନ୍ତି । ନିୟମ ଆଗରେ ସେବାୟତ, ଶ୍ରଦ୍ଧାଳୁ ସମସ୍ତେ ବନ୍ଧା । କିନ୍ତୁ ବାରମ୍ବାର ବେଢ଼ା ମଧ୍ୟରେ ଫଟୋ ଉଠା ଚାଲିଛି । ଶ୍ରୀଲିଙ୍ଗରାଜ ପ୍ରଶାସନ ନିରବଦ୍ରଷ୍ଟା ସାଜିଛି । ଚଳିତ ଭାଇରାଲ ଫଟୋରେ ଜଣେ ସେବାୟତ ଠାକୁରଙ୍କ ନୀତିକାନ୍ତି ସମ୍ପନ୍ନ କରୁଥିବା ବେଳେ କେହି ଜଣେ ଫଟୋ ଉଠାଇ ତାକୁ ସୋସିଆଲ ମିଡିଆରେ ଛାଡ଼ିଛି । ମନ୍ଦିର ପ୍ରତି ଆତଙ୍କବାଦୀଙ୍କ ବିପଦ ଥିବା ବେଳେ ଏଭଳି ଦାୟିତ୍ୱହୀନ କାର୍ଯ୍ୟକଳାପକୁ ଦୃଢ଼ ହସ୍ତରେ ଦମନ କରିବାକୁ ଶ୍ରଦ୍ଧାଳୁମାନେ ଦାବି କରିଛନ୍ତି ।
Powered by Froala Editor
