କଟକ: ଦୁଇ ଓଡ଼ିଆ ମହିଳା ହକି ଖେଳାଳି ଦୀପଗ୍ରେସ ଏକ୍କା ଓ ନମିତା ଟପ୍ପୋଙ୍କୁ ଓଡିଶା ଅଲମ୍ପିକ ସଂଘର ପୁରସ୍କାର ଘୋଷଣା । ଉଭୟ ଖେଳାଳି ୫୦ ହଜାର ଲେଖାଏଁ ଆର୍ଥିକ ପୁରସ୍କାର ଦେବ ସଂଘ । ପୂର୍ବରୁ ଖେଳାଳିଙ୍କୁ ଉତ୍ସାହିତ କରିବାକୁ ସଂଘ, ପୁରସ୍କାର ରାଶି ଘୋଷଣା କରିଥିଲା । ଟିମ ପରାସ୍ତ ହୋଇଥିଲେ ମଧ୍ୟ ଦୁଇ ଖେଳାଳିଙ୍କୁ ପୁରସ୍କାର ରାଶି ପ୍ରଦାନ କରିବ ସଂଘ । ପୁରୁଷ ଟିମର ଦୁଇ ଓଡିଆ ଖେଳାଳି ଓ ମହିଳା ଖେଳାଳି ଦୁଇଜଣ ଫେରିବା ପରେ ରାଜ୍ୟ ଅଲମ୍ପିକ ସଂଘ ସମ୍ବର୍ଦ୍ଧିତ କରିବ କହିଛନ୍ତି, ସମ୍ପାଦକ ଅଭିଜିତ ପାଲ୍‌ ।

ଦୁଇ ଓଡ଼ିଆ ମହିଳା ହକି ଖେଳାଳିଙ୍କୁ ଓଡିଶା ଅଲମ୍ପିକ ସଂଘର ପୁରସ୍କାର ଘୋଷଣାଭାରତୀୟ ମହିଳା ହକି ଟିମ ଅଲମ୍ପିକ ଇତିହାସରେ ପ୍ରଥମ ଥର ପାଇଁ ସେମିଫାଇନାଲରେ ପହଞ୍ଚିଥିଲା । ତେବେ ସେମିରେ ପରାସ୍ତ ପରେ ଗ୍ରେଟ ବ୍ରିଟେନ ବିପକ୍ଷ ବ୍ରୋଞ୍ଜ ପଦକ ମ୍ୟାଚରେ ଲଢୁଆ ପ୍ରଦର୍ଶନ ସତ୍ତ୍ବେ ବିଜୟରୁ ବଞ୍ଚିତ ହୋଇଛି । କଡା ସଂଘର୍ଷପୂର୍ଣ୍ଣ ମ୍ୟାଚରେ ୪-୩ ଗୋଲ୍‌ରେ ବିଜୟୀ ହେବା ସହ ରାନୀ ରାମପାଲଙ୍କ ଟିମ ହାତରୁ ବ୍ରିଟେନ ବ୍ରୋଞ୍ଜ ପଦକ ଛଡାଇ ନେଇଛି । ଅଲମ୍ପିକ ମହିଳା ହକି ଟିମରେ ଦୁଇ ଓଡିଆ ଖେଳାଳି ଅଭିଜ୍ଞ ଡିଫେଣ୍ଡର ଦୀପଗ୍ରେସ ଏକ୍କା ଓ ନମିତା ଟପ୍ପୋ ଚମତ୍କାର ପ୍ରଦର୍ଶନ ରହିଥିଲା ।ବ୍ରୋଞ୍ଜ ପଦକ ହାସଲ କରିପାରିନଥିଲେ ମଧ୍ୟ ଭାରତୀୟ ମହିଳା ହକି ଟିମର ଲଢୁଆ ପ୍ରଦର୍ଶନ ଦେଶବାସୀଙ୍କ ହୃଦୟ ଜିତିପାରିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ବିଟ ଯୋଗେଁ ଲଢୁଆ ଖେଳ ପ୍ରଦର୍ଶନ ପାଇଁ ଟିମକୁ ଶୁଭେଚ୍ଛା ଜଣାଇଛନ୍ତି ।

Powered by Froala Editor