ହରର-ଫାଣ୍ଟାସି ଫିଲ୍ମ 'ତୁମ୍ବାଡ୍ ୨ ଆସିବା ନେଇ ଘୋଷଣା ହେବା ପରଠାରୁ ଏହି ଫିଲ୍ମ ଚର୍ଚ୍ଚାରେ ରହିଥିବା ବେଳେ ଏବେ ନିର୍ମାତାମାନେ ଏକ ବଡ଼ ସର୍ପ୍ରାଇଜ୍ ଦେଇଛନ୍ତି। ବଲିଉଡ୍ ଅଭିନେତ୍ରୀ ଆଲିଆ ଭଟ୍ଟ 'ତୁମ୍ବାଡ୍ ୨'ରେ ସାମିଲ ହୋଇଛନ୍ତି। ସୋହମ ଶାହଙ୍କ ପ୍ରତ୍ୟାବର୍ତ୍ତନ ଏବଂ ନୱାଜୁଦ୍ଦିନ ସିଦ୍ଦିକିଙ୍କ ଷ୍ଟାରକାଷ୍ଟରେ ସାମିଲ ହେବା ପରେ ଫିଲ୍ମକୁ ନେଇ ଚର୍ଚ୍ଚା ଜୋର ଧରିଥିଲା। ଏହାରି ମଧ୍ୟରେ ଆଲିଆ ଭଟ୍ଟ ମଧ୍ୟ ଏହି ପ୍ରୋଜେକ୍ଟର ଅଂଶ ହେବେ ବୋଲି ଚର୍ଚ୍ଚା ଚାଲିଥିଲା। ଏବେ ନିର୍ମାତାମାନେ ସେହି ଚର୍ଚ୍ଚାରେ ମୋହର ଲଗାଇ ଆଲିଆଙ୍କ ଏଣ୍ଟ୍ରିକୁ ଅଫିସିଆଲ୍ କରିଛନ୍ତି।

ମଙ୍ଗଳବାର ସୋହମ ଶାହ ନିଜ ଇନଷ୍ଟାଗ୍ରାମରେ ଆଲିଆ ଭଟ୍ଟଙ୍କ ସହ କିଛି ଫଟୋ ସେୟାର କରି ତାଙ୍କୁ 'ତୁମ୍ବାଡ୍ ୨'ରେ ସ୍ୱାଗତ କରିଥିଲେ। ସେ ପୋଷ୍ଟରେ ଲେଖିଥିଲେ, "ଏକ ନୂଆ ଅଧ୍ୟାୟର ଆରମ୍ଭ, ତୁମ୍ବାଡକୁ ସ୍ୱାଗତ, ୩ ଡିସେମ୍ବର ୨୦୨୭ରେ ସିନେମା ହଲରେ ଦେଖା ହେବ।"

ପୁରୁଣା ଲୋକକଥା, ସୁନାର ଲୋଭର କାହାଣୀ ଏବଂ ରହସ୍ୟମୟ କିମ୍ବଦନ୍ତୀକୁ ଆଧାର କରି ନିର୍ମିତ 'ତୁମ୍ବାଡ୍' ଭାରତୀୟ ସିନେମାର ଏକ କଲ୍ଟ କ୍ଲାସିକ୍ ଫିଲ୍ମ ଭାବେ ପରିଚିତ। ଏହାର ଦ୍ୱିତୀୟ ଭାଗ ବର୍ତ୍ତମାନ ଭାରତୀୟ ସିନେମାର ସବୁଠାରୁ ବହୁ ପ୍ରତୀକ୍ଷିତ ପ୍ରୋଜେକ୍ଟମାନଙ୍କ ମଧ୍ୟରେ ରହିଛି।

Powered by Froala Editor