ଅଭିନେତ୍ରୀ ଆକାଂକ୍ଷା ଚମୋଲା ଏବଂ ଅଭିନେତା ତଥା ବିଗ୍‌ବସ୍‌ ବିଜେତା ଗୌରବ ଖାନ୍ନାଙ୍କ ସମ୍ପର୍କରେ ଆସିଛି ଫାଟ। ଦୁହେଁ ନିଜ ବୈବାହିକ ସମ୍ପର୍କକୁ ଶେଷ କରିବାକୁ ନିଷ୍ପତ୍ତି ନେଇଛନ୍ତି। ବିଗତ ପ୍ରାୟ ଏକ ବର୍ଷ ହେବ ସେମାନେ ପରସ୍ପରଠାରୁ ଅଲଗା ରହୁଥିବା ନେଇ ନିଜେ ଆକାଂକ୍ଷା ଖୁଲାସା କରିଛନ୍ତି। 

ଆକାଂକ୍ଷା ବର୍ତ୍ତମାନ ନେଟଫିକ୍ସ ଶୋ' ଲକ୍ ଅପ୍ ୨ରେ ଅଂଶଗ୍ରହଣ କରୁଛନ୍ତି । ଯେଉଁଠାରେ ସେ ତାଙ୍କ ଜୀବନର ସବୁଠାରୁ ବଡ଼ ରହସ୍ୟ ପ୍ରକାଶ କରିଛନ୍ତି । ଶୋ'ରେ ଆକାଂକ୍ଷା କହିଛନ୍ତି ସେ ଏବଂ ଗୌରବ ଛାଡ଼ପତ୍ର ନେଉଛନ୍ତି ଏବଂ ଗତ ବର୍ଷେ ହେବ ସେ ଅଲଗା ରହୁଛନ୍ତି । ଏହି ସିକ୍ରେଟ୍ କହିବା ବେଳେ କିଛି ଲୋକ ଜାଣନ୍ତି, ଯାହା ଆକାଂକ୍ଷା ଶୋ' ରେ କାହା ସହିତ ସେୟାର କରିପାରିବେ ନାହିଁ ।

ଆକାଂକ୍ଷାଙ୍କ ଏହି ବୟାନ ପରେ ସୋସିଆଲ ମିଡିଆରେ ଦୁହିଁଙ୍କ ଅଲଗା ହେବାର କାରଣ ଖୋଜାଯାଉଥିବା ବେଳେ, ଗୌରବଙ୍କର ଏକ ପୁରୁଣା ବୟାନ ଏବେ ଭାଇରାଲ ହେବାରେ ଲାଗିଛି। ଏହି ବୟାନକୁ ହିଁ ଦୁହିଁଙ୍କ ଛାଡ଼ପତ୍ରର ଅସଲ କାରଣ ବୋଲି କୁହାଯାଉଛି।

ଅଭିନେତ୍ରୀ ଆକାଂକ୍ଷା ଚମୋଲା ପୂର୍ବରୁ ହିଁ ସ୍ପଷ୍ଟ କରିସାରିଥିଲେ ଯେ ସେ ମା’ ହେବାକୁ ଚାହାନ୍ତି ନାହିଁ। କିନ୍ତୁ ଅନ୍ୟପଟେ ଗୌରବ ଖାନ୍ନା ନିଜ ବୈବାହିକ ଜୀବନ ଓ ପିଲାମାନଙ୍କୁ ନେଇ ଏକ ଭିନ୍ନ ଇଚ୍ଛା ରଖିଥିଲେ। ‘ବିଗ ବସ’ ଘରେ ଥିବା ସମୟରେ ଗୌରବ ନିଜ ବିବାହ ଏବଂ ସନ୍ତାନ ବିଷୟରେ କହିଥିଲେ ଯେ ଆମର ବିବାହକୁ ୯ ବର୍ଷ ହୋଇସାରିଲାଣି, କିନ୍ତୁ କୌଣସି ସନ୍ତାନ ନାହିଁ। ମୁଁ ମୋ ସ୍ତ୍ରୀଙ୍କ ଇଚ୍ଛାକୁ ସମ୍ମାନ ଜଣାଇ ଏପରି ନିଷ୍ପତ୍ତି ନେଇଛି। ଦିନଥିଲା ଯେତେବେଳେ ମୁଁ ସନ୍ତାନ ଚାହୁଁଥିଲି, ସେ ପ୍ରସ୍ତୁତ ନ ଥିଲେ ଏବଂ ମୁଁ ତାଙ୍କ କଥା ବୁଝିଥିଲି। ଭଲପାଇଛୁ ଯେତେବେଳେ, ସମ୍ପର୍କ ତ ନିଭାଇବାକୁ ପଡ଼ିବ।

ଆକାଂକ୍ଷାଙ୍କ ଏହି ବୟାନ୍ ସୋସିଆଲ ମିଡିଆରେ ଚର୍ଚ୍ଚା ସୃଷ୍ଟି କରିଛି । ତାଙ୍କର ଏବଂ ଗୌରବଙ୍କ ସମ୍ପର୍କକୁ ନେଇ ପ୍ରଶ୍ନ ଉଠିଛି । ହେଲେ ଛାଡପତ୍ର ନେଇ ଗୌରବଙ୍କ ପକ୍ଷରୁ କୌଣସି ପ୍ରତିକ୍ରିୟା ଆସିନାହିଁ । ତାଙ୍କ ପ୍ରଶଂସକ ତାଙ୍କ ପକ୍ଷ ଶୁଣିବାକୁ ଅପେକ୍ଷା କରିଛନ୍ତି ।

Powered by Froala Editor