ତାମିଲନାଡ଼ୁର କୋଏମ୍ବାଟୁର୍‌ ଜିଲ୍ଲାରେ ଜଣେ ୧୯ ବର୍ଷୀୟା ନିଟ୍‌ ଆଶାୟୀ ଆତ୍ମହତ୍ୟା କରିଛନ୍ତି।  ଆତ୍ମହତ୍ୟା କରିଥିବା ଛାତ୍ରୀ ଅନୁନକୀର୍ତ୍ତନା ନିଟ୍‌ ପରୀକ୍ଷା ପୂର୍ବରୁ ଦୁଇଥର ଦେଇସାରିଥିବାବେଳେ ପୁଣି ଥରେ ପରୀକ୍ଷା ଦେବାକୁ ପ୍ରସ୍ତୁତ ହେଉଥିଲେ। ପ୍ରଶ୍ନପତ୍ର ଲିକ୍‌ ଯୋଗୁଁ ପୁନଃ ପରୀକ୍ଷା ଦେବାକୁ ନେଇ ଅନୁନକୀର୍ତ୍ତନା ଚିନ୍ତାରେ ଥିଲେ ବୋଲି ତଦନ୍ତକାରୀ କହିଛନ୍ତି। ପୁଣି ଥରେ ପରୀକ୍ଷା ଦେବାକୁ ନେଇ ତାଙ୍କ ମନରେ ଚିନ୍ତା ରହିଥିଲା। 

ଏହି ସଦ୍ୟତମ ଦୁଃଖଦ ଘଟଣା ପୁଣି ଥରେ ଅତ୍ୟନ୍ତ ପ୍ରତିଯୋଗିତାମୂଳକ ପରୀକ୍ଷା ସହିତ ଜଡ଼ିତ ଭାବପ୍ରବଣତାକୁ କେନ୍ଦ୍ରିତ କରିଛି। ନିଟ୍‌କୁ ବିରୋଧ କରୁଥିବା କର୍ମୀ ଓ ରାଜନୈତିକ ଦଳମାନଙ୍କ ଅନୁଯାୟୀ ନିଟ୍‌ ପରୀକ୍ଷା ଆରମ୍ଭ ହେବା ପରଠାରୁ ତାମିଲନାଡୁରେ ୨୦ ରୁ ଅଧିକ ଆଶାୟୀ ଆତ୍ମହତ୍ୟା କରିସାରିଛନ୍ତି।

ନିଟ୍‌ ଆଶାୟୀ ଅନୁନକୀର୍ତ୍ତନାଙ୍କ ମୃତ୍ୟୁ କେମିତି ଘଟିଲା ସେ ନେଇ ତଦନ୍ତ ଚାଲିଛି। ତେବେ ଅନୁନକୀର୍ତ୍ତନା କୌଣସି ସୁଇସାଇଡ ନୋଟ ଛାଡ଼ି ଯାଇନାହାନ୍ତି। ଆଶାୟୀ ଛାତ୍ରୀଙ୍କ ଆତ୍ମହତ୍ୟା ଘଟଣାକୁ ନେଇ କୋଏମ୍ବାଟୁରରେ ଜୋରଦାର୍‌ ବିରୋଧ ପ୍ରଦର୍ଶନ ହୋଇଥିଲା। ପ୍ରଦର୍ଶନକାରୀମାନେ ନିଟ୍‌ ବାତିଲ କରିବାକୁ ଦାବି କରିଥିଲେ। ବିରୋଧୀ ଦଳ ଡିଏମକେ ତାମିଲନାଡୁ ପାଇଁ ନିଟ୍‌ ଛାଡ଼ ଦାବିକୁ ଦୋହରାଇ ରାଜ୍ୟବ୍ୟାପୀ ପ୍ରତିବାଦ ଘୋଷଣା କରିଛି। 

Powered by Froala Editor