ଭୁବନେଶ୍ୱର: ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ  ବିରଞ୍ଚି ସାହୁଙ୍କ ଘରେ ରେଡ ପରେ ଜବତ ଟଙ୍କା ଗଣି ଗଣି ଭିଜିଲାନ୍ସ କର୍ମଚାରୀ ହାଲିଆ ହୋଇଯାଇଥିବା ଜଣାଯାଇଛି । ଯେତେ ଗଣୁଥିଲେ ବି ଟଙ୍କା ଗଣତି ଶେଷ ହେଉନାହିଁ ।  ଏହି ରେଡରେ ନିଜେ ଭିଜିଲାନ୍ସ ଏସପି ଆର. ପ୍ରକାଶ ମଧ୍ୟ ସାମିଲ ହୋଇଛନ୍ତି ।  ପିଏସ ବିରଞ୍ଚି  ସାହୁଙ୍କ ଘରୁ ବିଡ଼ା ବିଡ଼ା ଟଙ୍କା ଓ ସୁନା ଗହଣା ମିଳୁଛି ।  ସକାଳ ଠାରୁ ଟଙ୍କା ଗଣତି ଚାଲିଥିଲେ ବି ଅଫିସରମାନେ ଶେଷ କରିପାରୁନାହାନ୍ତି ।  ଏତେ ପରିମାଣର ନଦଗ ଟଙ୍କା ଦେଖି ଭିଜିଲାନ୍ସ ଅଧିକାରୀ ବି ତାଜୁବ ହୋଇଯାଇଛନ୍ତି । 
ପ୍ରକାଶ ଯେ,  ଦୁର୍ନୀତି ବିରୋଧରେ ସରକାର ଜିରୋ ଟୋଲେରାନ୍ସ ନୀତି ଆପଣାଉଥିବାବେଳେ ସରକାରୀ କର୍ମଚାରୀ କିନ୍ତୁ ମାନିବାକୁ ନାରାଜ ।  ଅସାଧୁ ଉପାୟରେ ଟଙ୍କା ଆୟ କରିବା ଯେମିତି ସରକାରୀ କର୍ମଚାରୀଙ୍କ ନିଶା ପାଲଟିଯାଇଛି । ତେବେ ଏହାରି ଭିତରେ ଭିଜିଲାନ୍ସ ଜାଲରେ  ଦୁର୍ନୀତିଗ୍ରସ୍ତ ସରକାରୀ କର୍ମଚାରୀ ରୂପୀ ଏକ ବଡ଼ ମାଛ ପଡ଼ିଥିବା ଜଣାଯାଇଛି ।
  ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ ଘରେ ଭିଜିଲାନ୍ସ ଚଢଉ କରାଯାଇଛି । ଷ୍ଟାଫ ସିଲେକ୍ସନ କମିଶନ ସଦସ୍ୟଙ୍କ ପିଏସ  ବିରଞ୍ଚି ସାହୁଙ୍କ ଘରେ ରେଡ କରାଯାଇଛି । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ୬ଟି ସ୍ଥାନରେ ଚଢଉ କରାଯାଇଛି ।  ଏହି ଚଢଉରେ ଭିଜିଲାନ୍ସ ଏସପି, ୪ଜଣ ଡିଏସପି ଓ ୧୩ ଜଣ ଇନସ୍ପେକ୍ଟର ସାମିଲ ଅଛନ୍ତି ।  ୨ଟି ଦୁଇ ମହଲା କୋଠା ଓ ୯ଟି ଜମି ଠାବ କରାଯାଇଥିବା ସୂଚନା ମିଳିଛି ।  ପିଏସ  ବିରଞ୍ଚି ସାହୁଙ୍କ ଶଳା ଘରୁ ନଗଦ ୧୩ ଲକ୍ଷ ଟଙ୍କା ମଧ୍ୟ ଠାବ କରାଯାଇଛି ।  ପିଏସଙ୍କ ଘରୁ ମଧ୍ୟ ବିପୁଳ ଟଙ୍କା ଠାବ କରାଯାଇଥିବା ସୂଚନା ମିଳିଛି ।  ୨ଥର ବିଦେଶ ଗସ୍ତ ଡକୁ୍ୟମେଣ୍ଟ ଓ ଘରୁ ବିଦେଶୀ ନୋଟ ବିଡ଼ା ଜବତ କରାଯାଇଛି ।  
କଟକ ଓ ଭୁବନେଶ୍ୱରରେ ୬ଟି ଜାଗାରେ ରେଡ ଚାଲିଛି । ବିପୁଳ ପରିମାଣର ସୁନା ଓ ଟଙ୍କା ମିଳିଛି । ଟଙ୍କା ଗଣତି ଚାଲିଛି । ଶଳାଙ୍କ ଘରୁ ନଗଦ ୧୩ ଲକ୍ଷ ଟଙ୍କା ଠାବ କରାଯାଇଛି । ଏତେ ଟଙ୍କା ଓ ସମ୍ପତ୍ତି କେଉଁଠୁ ଆସିଲା ସେନେଇ ତଦନ୍ତ ଚାଲିଛି । ଚାକିରି ପାଇଁ କୌଣସି ପ୍ରାର୍ଥୀଙ୍କ ଠାରୁ ଟଙ୍କା ନେଇଛନ୍ତି କି ନାହିଁ ତାହାର ତଦନ୍ତ କରାଯିବ । ତାଙ୍କର ଦରମା ଏତେ ନୁହେଁ, ନିଶ୍ଚିତ ଅସାଧୁ ଉପାୟରେ ଅର୍ଜନ କରିଥିବେ ବୋଲି ଭିଜିଲାନ୍ସ ଏସପି ଆର .ପ୍ରକାଶ ସୂଚନା ଦେଇଛନ୍ତି ।

Powered by Froala Editor