ଭୁଶୁଡ଼ିଲା ୪ ମହଲା କୋଠା, ଚାଲିଗଲା ୭ ଜୀବନ
ନୂଆଦିଲ୍ଲୀ: ମହାରାଷ୍ଟ୍ରର ଭିୱାଣ୍ଡିରେ ବଡ଼ ଅଘଟଣ ଘଟିଛି । ଏକ ଚାରି ମହଲା କୋଠାର ଏକ ଅଂଶ ହଠାତ୍ ଭୁଶୁଡ଼ି ପଡ଼ିଛି । ଏହି ଘଟଣାରେ ୭ ଜଣଙ୍କର ମୃତ୍ୟୁ ହୋଇଛି । ଅନେକ ଲୋକ ଭଗ୍ନାବଶେଷ ତଳେ ଫସି ରହିଥିବା ଆଶଙ୍କା କରାଯାଉଛି । ଦୁର୍ଘଟଣା ପରେ ଉଦ୍ଧାର କାର୍ଯ୍ୟ ଆରମ୍ଭ ହୋଇଛି । ଏନଡିଆରଏଫ ଦଳଗୁଡ଼ିକ ଭଗ୍ନାବଶେଷରୁ ଜଣେ ମହିଳାଙ୍କୁ ଜୀବିତ ଉଦ୍ଧାର କରିଛନ୍ତି । ତାଙ୍କୁ ଚିକିତ୍ସା ପାଇଁ ନିକଟସ୍ଥ ହସ୍ପିଟାଲକୁ ନିଆଯାଇଛି । ଘଟଣାସ୍ଥଳରେ ଉଦ୍ଧାର କାର୍ଯ୍ୟ ଚାଲିଛି । କୋଠାର ମରାମତି କାର୍ଯ୍ୟ ଚାଲିଛି । ଭିତରେ ଅତି କମରେ ତିନିରୁ ଚାରି ଜଣ ଶ୍ରମିକ ଫସି ରହିଥିବା ଆଶଙ୍କା କରାଯାଉଛି । ଭୁଶୁଡ଼ି ପଡ଼ିଥିବା କୋଠାର ମରାମତି ସମୟରେ ଏକ ବଡ଼ ଦୁର୍ଘଟଣା ଘଟିଛି ।
ଅଧିକାରୀଙ୍କ ସୂଚନା ଅନୁସାରେ ଭିୱାଣ୍ଡି ପାୱାରଲୁମ୍ ସହର ବାଲାଜୀ ନଗର ଅଞ୍ଚଳରେ ଅବସ୍ଥିତ କୋହିନୂର କୋଠାର ଏକ ଅଂଶ ଗୁରୁବାର ବିଳମ୍ବିତ ରାତିରେ ଭୁଶୁଡି ପଡିଛି । ରାତି ପ୍ରାୟ ୧୧ଟା ବେଳେ ଅଘଟଣ ଘଟିଛି । ଏ ପର୍ଯ୍ୟନ୍ତ ୭ ଜଣଙ୍କ ମୃତଦେହ ଉଦ୍ଧାର ହୋଇଛି।
Powered by Froala Editor
