ତାମିଲନାଡୁ ମୁଖ୍ୟମନ୍ତ୍ରୀ ବିଜୟ ଯୁବପିଢ଼ିଙ୍କୁ ମଦ୍ୟପାନରୁ ଦୂରେଇ ରଖିବା ପାଇଁ ଏକ ବଡ଼ ପଦକ୍ଷେପ ନେଇଛନ୍ତି। ସେ ମନ୍ଦିର, ମସଜିଦ, ଚର୍ଚ୍ଚ, ସ୍କୁଲ, କଲେଜ ଏବଂ ବସ୍ ଷ୍ଟପର ୫୦୦ ମିଟର ମଧ୍ୟରେ ଥିବା ମଦ ଦୋକାନଗୁଡ଼ିକୁ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି । ଏଥିରେ ୧୭୧ ମଦ ଦୋକାନ ରହିଛି ଯେଉଁଥିରେ ଶୀଘ୍ର ତାଲା ପଡ଼ିବାକୁ ଯାଉଛି ।  

ତାମିଲନାଡୁ ସରକାରଙ୍କ ଅନୁସାରେ, ବର୍ତ୍ତମାନ ରାଜ୍ୟରେ ମୋଟ୍ ୪,୭୬୫ TASMAC  (Tamil Nadu State Marketing Corporation) ମଦ ଦୋକାନ ରହିଛି । ନୂଆ ନୀତି ଅନୁସାର ୭୧୭ ଦୋକାନ ଚିହ୍ନଟ କରାଯାଇଛି । ଯେଉଁଗୁଡିକ ଧାର୍ମିକ ସ୍ଥଳରେ ୨୭୬ ଦୋକାନ,  ସ୍କୁଲ ପାଖାପାଖି ଅଞ୍ଚଳରେ ୧୮୬ ଦୋକାନ ଏବଂ ବସ୍ ଷ୍ଟପ ପାଖରେ ୨୫୫ ମଦ ଦୋକାନ ରହିଛି । 

ଦୁଇ ସପ୍ତାହ ମଧ୍ୟରେ ପୂର୍ବ ସରକାରରେ ଚାଲୁଥିବା TASMAC ମଦ ଦୋକା ବନ୍ଦ କରିବାକୁ ନିର୍ଦ୍ଦେଶ ଜାରି କରିଛନ୍ତି ମୁଖ୍ୟମନ୍ତ୍ରୀ ଜୋସେଫ୍ ବିଜୟ । ଏହି ନିଷ୍ପତ୍ତି ଜନହିତକର ବୋଲି ନିର୍ଦ୍ଦେଶରେ ଉଲ୍ଲେଖ କରାଯାଇଛି ।

ବିଜୟ ତାମିଲନାଡୁ ମୁଖ୍ୟମନ୍ତ୍ରୀ ହେବା ପରେ ୩ଟି ବଡ଼ ନିଷ୍ପତ୍ତି ନେଇଥଲେ । ୨୦୦ ୟୁନିଟ୍ ମାଗଣା ବିଜୁଳି ମହିଳାଙ୍କ ସୁରକ୍ଷା ପାଇଁ ସ୍ୱତନ୍ତ୍ର ଟାସ୍କ ଫୋର୍ସ ଗଠନ ଏବଂ ତୃତୀୟଟି ଥିଲା ନିଶା ନିବାରଣ ପାଇଁ ପ୍ରତି ଜିଲ୍ଲାରେ ଏକ ସ୍ୱତନ୍ତ୍ର ଫୋର୍ସ ପ୍ରତିଷ୍ଠା କରିବା । ତୃତୀୟ ଦିନରେ ବଡ଼ ନିଷ୍ପତ୍ତି ନେଇ ଧାର୍ମିକ ସ୍ଥଳ, ସ୍କୁଲ ଏବଂ ବସ୍ ଷ୍ଟାପର ୫୦୦ମିଟର ଯାଏ ମଦ ଦୋକାନ ରହିବ ନାହିଁ ବୋଲି ନିର୍ଦ୍ଦେଶରେ ଉଲ୍ଲେଖ କରାଯାଇଛି ।

ଡିଏମକେ ହେଉ ଏଆଇଏଡିଏମକ ସେମାନଙ୍କ ନିର୍ବାଚନୀ ଇସ୍ତାହାରରେ ତାମିଲନାଡୁରେ ମଦ ନିଷେଧ ପ୍ରତିଶ୍ପୁତି ଦେଇଥିଲେ କିନ୍ତୁ ଠୋସ୍ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇନଥିଲା । ୨୦୨୩ ମସିହାରେ, ଷ୍ଟାଲିନଙ୍କ ସରକାର ମଦ୍ୟପାନ ଜନିତ ମୃତ୍ୟୁ ପରେ ପ୍ରାୟ ୫୦୦ ସରକାରୀ ପରିଚାଳିତ ମଦ ଦୋକାନ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ ।  

Powered by Froala Editor