ତାମିଲନାଡୁ ରାଜନୀତିରେ ଏକ ବଡ଼ ପରିବର୍ତ୍ତନ ଦେଖାଦେଇଛି । AIADMK ଭିତରେ ଆଭ୍ୟନ୍ତରୀଣ ଦ୍ୱନ୍ଦ୍ୱ ସାମ୍ନାକୁ ଆସିଛି । AIADMK ଏବେ ଦୁଇଟି ଗୋଷ୍ଠୀରେ ଭାଗ ହୋଇଛି । ସୂତ୍ର ଅନୁସାରେ, ଦଳ ଦୁଇଟି ଗୋଷ୍ଠୀରେ ବିଭକ୍ତ ହେଉଥିବା ପରି ମନେ ହେଉଛି। AIADMK ନେତା C.V. ଶନମୁଗମ ମେ ୧୩ରେ ହେବାକୁ ଥିବା ଫ୍ଲୋର ଟେଷ୍ଟ ପୂର୍ବରୁ ମୁଖ୍ୟମନ୍ତ୍ରୀ ବିଜୟଙ୍କ ଦଳ TVK କୁ ସମର୍ଥନ ଘୋଷଣା କରିଛନ୍ତି।

ଜାତୀୟ ଗଣମାଧ୍ୟମ ଅନୁସାରେ, ବିଧାୟକ ଭେଲୁମଣି ଏବଂ ଶନମୁଗମଙ୍କ ନେତୃତ୍ୱରେ ଅଲ୍ ଇଣ୍ଡିଆ ଆନ୍ନା ଦ୍ରାବିଡ ମୁନେତ୍ର କାଝଗମ (AIADMK)ର ଗୋଷ୍ଠୀ ମୁଖ୍ୟମନ୍ତ୍ରୀ ବିଜୟଙ୍କ ତାମିଲଗା ଭେଟ୍ରି କାଝଗମ (TVK)କୁ ସମର୍ଥନ ଘୋଷଣା କରିଛି । AIADMK ବିଧାୟକଙ୍କ ଏକ ଗୋଷ୍ଠୀ ତାମିଲନାଡୁ ସରକାରଙ୍କୁ ସମର୍ଥନ ଜଣାଇବା ପାଇଁ ମୁଖ୍ୟମନ୍ତ୍ରୀ ବିଜୟଙ୍କୁ ଭେଟିବେ । ଶନମୁଗମଙ୍କ ଅନୁଯାୟୀ, ଦଳର ମୁଖ୍ୟ ପଲାନିସ୍ୱାମୀ ସରକାର ଗଠନ ପାଇଁ ଦ୍ରାବିଡ ମୁନେତ୍ର କାଝଗମ (DMK) ସହିତ ଏକ ମେଣ୍ଟ କରିବାକୁ ଚାହୁଁଥିଲେ । ଏହି ସମୟରେ, AIADMK ବିଧାୟକ ଭେଲୁମଣି ଦଳର ସାଧାରଣ ପରିଷଦର ତୁରନ୍ତ ବୈଠକ ଦାବି କରିଛନ୍ତି ।

AIADMK ନେତା C.V. ଶନମୁଗମ କହିଛନ୍ତି, ‘ଆମେ ଲୋକଙ୍କ ଜନାଦେଶକୁ ଗ୍ରହଣ କରୁଛୁ। ସାଧାରଣ ଜନାଦେଶ ଟିଭିକେ ପାଇଁ ନୁହେଁ; ବିଜୟ ମୁଖ୍ୟମନ୍ତ୍ରୀ ହେବା ପାଇଁ। ଆମେ ମୁଖ୍ୟମନ୍ତ୍ରୀ ବିଜୟଙ୍କୁ ଅଭିନନ୍ଦନ ଜଣାଉଛୁ ଏବଂ ତାଙ୍କ ନେତୃତ୍ୱାଧୀନ ଟିଭିକେ ସରକାରଙ୍କୁ ଆମର ସମର୍ଥନ ଦେଉଛୁ।’

Powered by Froala Editor