ଯଦି ଆପଣ ଆପଣଙ୍କ ଫୋନକୁ ଆଲର୍ଟ ମେସେଜ୍ ଆସୁଛି, ତେବେ ଭୟଭୀତ ହୁଅନ୍ତୁ ନାହିଁ। ଏହା ଜରୁରୀକାଳୀନ ସତର୍କତା ପ୍ରଣାଳୀର ପରୀକ୍ଷଣର ଏକ ଅଂଶ। ଯାହା ଦ୍ବାରା ବିପର୍ଯ୍ୟୟ ସମୟରେ ସଠିକ୍ ସୂଚନା ସଠିକ୍ ସମୟରେ ମିଳିପାରିବ। 

ପରୀକ୍ଷା ମୂଳକ ଭାବେ ମୋବାଇଲ୍ କୁ ଏହି ଏମର୍ଜେନ୍ସି ଆଲର୍ଟ ପଠାଯାଉଛି। ଏଭଳି ମେସେଜକୁ ଅଣଦେଖା କରିବାକୁ ଏବଂ ଆତଙ୍କିତ ନହେବାକୁ ଟେଲିକମ ବିଭାଗ ପକ୍ଷରୁ ସୂଚନା ଦିଆଯାଇଛି। ଆଗକୁ ଜରୁରୀକାଳୀନ ସ୍ଥିତିରେ ଏଭଳି ମେସେଜ୍ ଆସିବ। ଏହା କେବଳ ଏକ ଟେଷ୍ଟିଂ ଥିଲା। ଗୃହ ମନ୍ତ୍ରାଳୟର ଦୂର ସଞ୍ଚାର ବିଭାଗ ପକ୍ଷରୁ ଏହି ମେସେଜ୍ ସମସ୍ତଙ୍କୁ ପଠାଯାଇଛି। ଏହା ସମସ୍ତଙ୍କ ମୋବାଇଲକୁ ଆସିଛି। ଆଗକୁ ଏଭଳି ମେସେଜ୍ ସାହାଯ୍ୟରେ ଭାରତ ସରକାର ନାଗରିକଙ୍କ ନିକଟରେ ଗୁରୁତ୍ଵପୂର୍ଣ୍ଣ ସୂଚନା ପହଞ୍ଚାଇବାକୁ ଚେଷ୍ଟା କରୁଛନ୍ତି। 

ପରୀକ୍ଷଣ ସମୟରେ ଏହି ଆଲର୍ଟ ମେସେଜ୍ ବାରମ୍ବାର ଦେଖାଯାଇପାରେ। ତେଣୁ ଏହାକୁ ଅଣଦେଖା କରନ୍ତୁ। ଗୃହ ମନ୍ତ୍ରାଳୟର ଦୂରସଂଚାର ବିଭାଗ ପକ୍ଷରୁ ଏହି ସୂଚନା ଜାରି କରାଯାଇଛି।

NDMA ଟେଲିକମ୍ୟୁନିକେସନ୍ ବିଭାଗର ଏକ ପ୍ରମୁଖ ଗବେଷଣା ଏବଂ ବିକାଶ କେନ୍ଦ୍ର, ସେଣ୍ଟର ଫର୍ ଡେଭଲପମେଣ୍ଟ ଅଫ୍ ଟେଲିମାଟିକ୍ସ (C-DOT) ଦ୍ୱାରା ବିକଶିତ ସମନ୍ୱିତ ଆଲର୍ଟ ସିଷ୍ଟମ (SACHET)କୁ ସଫଳତାର ସହ ଆକ୍ଟିଭେଟ୍ କରାଯାଇଛି। ଏହି ଆଲର୍ଟ ସିଷ୍ଟମ ଜରିଆରେ ଲୋକମାନଙ୍କ ନିକଟରେ ପ୍ରାକୃତିକ ବିପର୍ଯ୍ୟୟ, ପାଣିପାଗ ସମ୍ପର୍କିତ ଖବର, ବନ୍ୟା ବାତ୍ୟା ଭଳି ଘଟଣାର ବାର୍ତ୍ତା ପହଞ୍ଚାଯିବ। ୧୯ରୁ ଅଧିକ ଭାରତୀୟ ଭାଷାରେ ୧୩୪ ବିଲିୟନରୁ ଅଧିକ ମେସେଜ ଆଲର୍ଟ ପଠାଯାଇପାରିବ।

Powered by Froala Editor