ଝିଅ ହେଲେ ଏବେ ଘରେ ଘରେ ଖୁସିର ମାହୋଲ ଖେଳିଯାଉଛି । ହେଲେ ବାପାଙ୍କ ଖୁସି କହିଲେ ନସରେ । ଯାହାର ଆଉ ଏକ ଉଦାହରଣ ଦେଇଛନ୍ତି ଏହି ବ୍ୟକ୍ତି ଜଣକ । ଯିଏକି ନିଜ ଝିଅର ପାଦ ଚିହ୍ନ ଟାଟୁ କରି ସୋସିଆଲ ମିଡିଆରେ ଛାଇ ଯାଇଛନ୍ତି । ଯାହାକୁ ହଜାର ହଜାର ଲୋକ ଲାଇକ୍ କରିଛନ୍ତି । ଏହି ଭିଡିଓଟି ସୋସିଆଲ ମିଡିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି । ଯାହାକୁ ପ୍ରାୟ ଏବେ ପର୍ଯ୍ୟନ୍ତ ୨୮କୋଟିରୁ ଅଧିକ ଲୋକ ଦେଖି ସାରିଲେଣି । 

ଭିଡିଓଟି ଏଭଳି କିଛି ଆରମ୍ଭ ହେଉଛି, ଜଣେ ବାପା ତାଙ୍କ ଝିଅର ଛୋଟ ପାଦକୁ ସତର୍କତାର ସହ ଏବଂ ସ୍ନେହରେ ଧରି ଏହାର ଚିହ୍ନକୁ ତାଙ୍କ ହାତରେ ନେବାକୁ ଚେଷ୍ଟା କରୁଛନ୍ତି । ସେହି ମୁହୂର୍ତ୍ତରେ ତାଙ୍କ ଆଖିରେ ଏକ ସ୍ନେହ ଭରା ଭାବନା ଦେଖାଯାଉଛି । ତା’ପରେ ସେ ଚିହ୍ନଟିକୁ ଜଣେ ଟାଟୁ କଳାକାରଙ୍କ ପାଖକୁ ନେଇଯାଉଛନ୍ତି ଯାହା ଦ୍ୱାରା ଏହା ତାଙ୍କ ହାତରେ ସ୍ଥାୟୀ ଭାବରେ ଖୋଦିତ ହୋଇପାରିବ । ଯେତେବେଳେ ପ୍ରକ୍ରିୟା ସମ୍ପୂର୍ଣ୍ଣ ହୋଇ ଟାଟୁଟି ହାତରେ ଅଙ୍କା ଯାଉଛି ସେତେବେଳେ ଏକ ସୁନ୍ଦର ଦୃଶ୍ୟ ସାମ୍ନାକୁ ଆସୁଛି । ଯାହା ସମସ୍ତଙ୍କ ହୃଦୟକୁ ଛୁଇଁ ଯାଉଛି ।

ଏ ଭିଡ଼ିଓ ଭାଇରାଲ ହେବାରେ ଲାଗିଛି । ଭିଡିଓରେ, ଜଣେ ବାପା ତାଙ୍କ ଛୋଟ ଝିଅ ପାଇଁ ଏପରି କିଛି କରୁଥିବା ଦେଖାଯାଉଛି ଯାହା ସମସ୍ତଙ୍କ ହୃଦୟକୁ ଛୁଇଁଛି । ଏହି ସମସ୍ତ ଦୃଶ୍ୟର ସବୁଠାରୁ ବିଶେଷ କଥା ହେଉଛି ଏହା କେବଳ ଏକ କଳାକୃତି ନୁହେଁ, ବରଂ ଜଣେ ବାପାଙ୍କ ହୃଦୟର ଗଭୀରତାକୁ ପ୍ରତିଫଳିତ କରୁଛି । 

Powered by Froala Editor