ଦ୍ୱିତୀୟ ବିବାହ କରିଛନ୍ତି ଜଣାଶୁଣା ଗାୟକ ତଥା ରାପର୍ ବାଦଶାହା । ବାଦଶାହା ପଞ୍ଜାବୀ ଅଭିନେତ୍ରୀ ତଥା ମଡେଲ ଇଶା ରିଖିଙ୍କୁ ବିବାହ କରିଛନ୍ତି । ଅନେକ ଦିନ ଧରି ବାଦଶାହଙ୍କ ବିବାହକୁ ନେଇ ଚର୍ଚ୍ଚା ହେଉଥିଲା, କିନ୍ତୁ କିଛି ନିଶ୍ଚିତ ହୋଇନଥିଲା । ଏହି ଦମ୍ପତି ଅତି ନିକଟ ସମ୍ପର୍କୀୟଙ୍କ ଉପସ୍ଥିତିରେ ବିବାହ କରିଛନ୍ତି । ଯାହାର ଫଟୋ ଓ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।

ଇଶା ରିଖି ଜଣେ ପଞ୍ଜାବୀ ଅଭିନେତ୍ରୀ ଏବଂ ମଡେଲ । ସେ ସିପ୍‌ପି ଗିଲଙ୍କ ସହ ପଞ୍ଜାବୀ ଫିଲ୍‌ମ ଜଟ୍ ବୟଜ୍ ପୁଟ୍ ଜଟ୍ଟାନ୍ ଦେରେ ଡେବ୍ୟୁ କରିଥିଲେ । ଏହା ପରେ, ଇଶା ୨୦୧୪ ଏବଂ ୨୦୧୫ ରେ "ମେରେ ୟାର କମନେ" ଏବଂ "ହ୍ୱ।।ଟ୍ ଦି ଜଟ୍‌" ଫିଲ୍‌ମରେ ନଜର ଆସିଥିଲେ ।

ରିପୋର୍ଟ ଅନୁସାରେ, ବାଦଶାହ ଏବଂ ଇଶା ରିଖି ବର୍ଷ ବର୍ଷ ଧରି ପରସ୍ପରକୁ ଡେଟ୍ କରୁଛନ୍ତି । ସେମାନେ ଏକ ପାର୍ଟିରେ ସାକ୍ଷାତ କରିଥିଲେ । ସେମାନଙ୍କ ଡେଟିଂର ଖବର ୨୦୨୨ ମସିହାରେ ପ୍ରସାରିତ ହୋଇଥିଲା । ତଥାପି, ସେମାନେ କେବେ ବି ଆନୁଷ୍ଠାନିକ ଭାବରେ ସେମାନଙ୍କର ସମ୍ପର୍କ ଘୋଷଣା କରି ନଥିଲେ ଏବଂ ଏବେ ହଠାତ୍ ବିବାହ ଫଟା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।

ସୂଚନାଯୋଗ୍ୟ, ବାଦଶାହାଙ୍କ ଏହା ଦ୍ୱିତୀୟ ବିବାହ । ସେ ପୂର୍ବରୁ ୨୦୧୨ ମସିହାରେ ଜାସ୍ମିନ୍ ମାସିହଙ୍କୁ ବିବାହ କରିଥିଲେ । କିନ୍ତୁ, ୨୦୨୦ ମସିହାରେ ଉଭୟଙ୍କ ସହମତିରେ ଛାଡପତ୍ର ହାଇଥିଲା । ଏବେ, ସେମାନଙ୍କ ଛାଡପତ୍ରର ୬ ବର୍ଷ ପରେ, ବାଦଶାହା ପୁଣି ଥରେ ବିବାହ କରିଛନ୍ତି । ହେଲେ ଏପର୍ଯ୍ୟନ୍ତ ବାଦଶାହା ତାଙ୍କ ବିବାହ ଖବରକୁ ନିଶ୍ଚିତ କରିନାହାଁନ୍ତି । ବାଦଶାହ ପଞ୍ଜାବୀ ଅଭିନେତ୍ରୀ ଏବଂ ମଡେଲ ଇଶା ରିଖିଙ୍କୁ ତାଙ୍କ ଜୀବନସାଥୀ ଭାବରେ ବାଛିଛନ୍ତି ।

Powered by Froala Editor