ବିମାନ ଦୁର୍ଘଟଣାଗ୍ରସ୍ତ: ୬୬ ଯବାନଙ୍କ ମୃତ୍ୟୁ
ନୂଆଦିଲ୍ଲୀ: କଲମ୍ବିଆର ଦୂରବର୍ତ୍ତୀ ଆମାଜନ ଜଙ୍ଗଲରୁ ଏକ ଦୁଃଖଦ ଘଟଣା ସାମ୍ନାକୁ ଆସିଛି। ସୋମବାର ଦୁର୍ଘଟଣାଗ୍ରସ୍ତ ଲକହିଡ୍ ମାର୍ଟିନ୍ ହର୍କୁଲେସ୍ ସି-୧୩୦ ସାମରିକ ବିମାନର ମୃତ୍ୟୁ ସଂଖ୍ୟା ୬୬ କୁ ବୃଦ୍ଧି ପାଇଛି। ୧୧୦ ସୈନିକଙ୍କୁ ନେଇ ଯାଉଥିବା ଏହି ବିମାନଟି ପେରୁ ସୀମା ନିକଟବର୍ତ୍ତୀ ପୁଏର୍ଟୋ ଲେଗୁଇଜାମୋ ସହର ନିକଟରେ ଦୁର୍ଘଟଣାଗ୍ରସ୍ତ ହୋଇଥିଲା। ପ୍ରାରମ୍ଭିକ ରିପୋର୍ଟ ଅନୁଯାୟୀ, ବିମାନଟି ଉଡ଼ାଣ ଆରମ୍ଭ କରିବାର କିଛି ସମୟ ପରେ ଏକ ଯାନ୍ତ୍ରିକ ତ୍ରୁଟି ଯୋଗୁଁ ଦୁର୍ଘଟଣାଗ୍ରସ୍ତ ହୋଇଥିଲା। ୫୦ରୁ ଅଧିକ ସୈନିକଙ୍କୁ ସୁରକ୍ଷିତ ଭାବରେ ଭଗ୍ନାବଶେଷରୁ ଉଦ୍ଧାର କରାଯାଇଛି। ଏବଂ ନିକଟବର୍ତ୍ତୀ ସାମରିକ ହସ୍ପିଟାଲରେ ଭର୍ତ୍ତି କରାଯାଇଛି।
ଏହି ଭୟଙ୍କର ଦୁର୍ଘଟଣା ପରେ କଲମ୍ବିଆର ରାଷ୍ଟ୍ରପତି ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଗଭୀର ଶୋକ ପ୍ରକାଶ କରିଛନ୍ତି। ଏବଂ ସିଧାସଳଖ ପ୍ରଶାସନକୁ ଟାର୍ଗେଟ କରିଛନ୍ତି। ରାଷ୍ଟ୍ରପତି ଏହି ଦୁର୍ଘଟଣାକୁ ସାମରିକ ନୌବାହିନୀର ଆଧୁନିକୀକରଣରେ ବିଳମ୍ବ ପାଇଁ ଦାୟୀ କରିଛନ୍ତି।
Powered by Froala Editor
