ସାଉଥ୍ ସୁପରଷ୍ଟାର୍ ବିଜୟ ଦେବରକାଣ୍ଡା ଏବଂ ରଶ୍ମିକା ମନ୍ଦାନା ତାଙ୍କ କୁନି ପ୍ରଶଂସକଙ୍କ ମନ ଭାଙ୍ଗି ନାହାନ୍ତି । ଦେଇଥିବା କଥା ରଖି ଷ୍ଟାର୍ କପଲ୍ ନିଜର ଜଣେ ଅଭିମାନୀ କୁନି ପ୍ରଶଂସକଙ୍କୁ ଦେଇଥିବା ପ୍ରତିଶ୍ରୁତି ରକ୍ଷା କରି ଚର୍ଚ୍ଚାକୁ ଆସିଛନ୍ତି । କିଛି ଦିନ ପୂର୍ବରୁ ଏହି କୁନି ଫ୍ୟାନ୍‌ଙ୍କର ଏକ ଭିଡିଓ ଭାଇରାଲ ହାଇଥିଲା, ଯେଉଁଥିରେ ସେ ବିଜୟଙ୍କ ଉପରେ ରାଗିଥିଲେ । କାରଣ ଥିଲା ବିଜୟ ତାଙ୍କୁ ନିଜ ବିବାହକୁ କାହିଁକି ଡାକିଲେ ନାହିଁ? ବିଜୟଙ୍କ ନଜରରେ ଏହି ଭିଡିଓ ଆସିବା ମାତ୍ରେ ସେ ତୁରନ୍ତ ତାଙ୍କୁ ଘରକୁ ଆସିବାକୁ ନିମନ୍ତ୍ରଣ କରିଥିଲେ ଏବଂ ନିଜ ହାତରେ ରାଷେଇ କରି ଖୁଆଇବେ ବାଲି କହିଥିଲେ ।

ନିକଟରେ ବିଜୟ ଏବଂ ରଶ୍ମିକା ସେହି କୁନି ଝିଅଟିକୁ ନିଜ ଘରକୁ ନିମନ୍ତ୍ରଣ କରିଥିଲେ । ବିଜୟ କୁନି ଝିଅଟିକୁ ଗେଲରେ ନିଜ କୋଳରେ ଉଠାଇ ଘର ଭିତରକୁ ନେଇଥିଲେ । ଖାଇବା ଟେବୁଲରେ ରଶ୍ମିକା ନିଜେ ଝିଅଟିକୁ ଲଡ଼ୁ ପରଷିଥିଲେ । ପରେ ବିଜୟ ନିଜେ ଭାତ ପରଷି ଖୁଆଇଥିଲେ । ଖାଇବା ସରିବା ପରେ ଦୁହେଁ ଝିଅଟିକୁ କୋଳରେ ଧରି ପୂରା ଘର ବୁଲାଇ ଦେଖାଇଥିଲେ । ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେଉଥିବା ଦେଖିବାକୁ ମିଳିଛି । ଏହି ଭିଡିଓ ଭାଇରାଲ ହେବା ପରେ ପ୍ରଶଂସକମାନେ କହୁଛନ୍ତି, "ଏହି କାରଣରୁ ହିଁ 'ଭିଜୁ' ଏବଂ ‘ରାଶୁ'ଙ୍କୁ ସମସ୍ତେ ଏତେ ଭଲ ପାଆନ୍ତି ।

Powered by Froala Editor