ବିକ୍ରି ହୋଇଗଲେ ୩ ଜଣ ବିଧାୟକ
ରାଜ୍ୟ ସଭା ନିର୍ବାଚନର ଫଳାଫଳ ସାମ୍ନାକୁ ଆସିଛି । ତେବେ କ୍ରସ୍ ଭୋଟିଂକୁ ନେଇ ପିସିସି ସଭାପତି ଭକ୍ତ ଚରଣ ଦାସ ବିସ୍ଫୋରକ ବୟାନ ଦେଇଛନ୍ତି। ବିଜେଡି ଦ୍ୱାରା କମନ୍ କ୍ୟାଣ୍ଡିଡେଟ୍ ଘୋଷିତ ଡାକ୍ତର ଦତ୍ତେଶ୍ୱର ହୋତାଙ୍କୁ କଂଗ୍ରେସ ସମର୍ଥନ ଘୋଷଣା କରିଥିଲା। ତେବେ ଦଳର ତିନି ଜଣ ବିଧାୟକ ତାଙ୍କୁ ଭୋଟ୍ ଦେଇ ନାହାନ୍ତି। ଏହି ତିନି ବିଧାୟକ ହେଉଛନ୍ତି ରମେଶ ଚନ୍ଦ୍ର ଜେନା, ସୋଫିଆ ଫିର୍ଦ୍ଦୋସ ଓ ଦାଶରଥୀ ଗମାଙ୍ଗ।
ଭକ୍ତ କହିଛନ୍ତି, କଂଗ୍ରେସରୁ ୩ ଜଣ ବିଧାୟକ କ୍ରସ୍ ଭୋଟିଂ ନେଇ ଟେଲିଫୋନରେ AICCକୁ ଜଣାଇଥିବା ପିସିସି ସଭାପତି କହିଛନ୍ତି । ଭକ୍ତ କହିଛନ୍ତି ୩ ଜଣ ବିଧାୟକ ଏଭଳି ଭାବେ କାମ କରିବା କଳ୍ପନାର ବାହାରେ ଥିଲା । ସ୍ବଇଚ୍ଛାରେ ବିରୋଧାଚରଣ କରି ବିଶ୍ବାସଘାତ କରିଛନ୍ତି । ଏଭଳି ସମସ୍ୟଙ୍କ ବିଧାନସଭାରୁ ସଦସ୍ୟତା କାଟିଦେବା ଉଚିତ୍ । ଜମିଦାର ହୋଇ କଂଗ୍ରେସ ଦଳରେ ଥିବା ଲୋକମାନେ ଛେଳି,ମେଣ୍ଢା ଭଳି ବିକ୍ରି ହୋଇଗଲେ ବୋଲି ଭକ୍ତ ତାଙ୍କ ପ୍ରତିକ୍ରିୟାରେ କହିଛନ୍ତି ।
ଏହାପରେ ଆମେ ଲିଖିତ ଭାବେ ଜଣାଇ ଦେବୁ। ଶ୍ରୀ ଦାସ ଆହୁରି କହିଛନ୍ତି, ରମେଶ ଜେନା କ୍ରସ୍ ଭୋଟିଂ କରିବେ ବୋଲି ବିଶ୍ବାସ କରୁ ନ ଥିଲି। ବିଧାନସଭାରେ ଆମେ ସେମାନଙ୍କ ସହ ଆଉ ବସିବୁ ନାହିଁ।
Powered by Froala Editor
