ବିବାହ ବନ୍ଧନରେ ଷ୍ଟାର କ୍ରିକେଟର କୁଲଦୀପ
ବାଲ୍ୟବନ୍ଧୁ ବଂଶୀକାଙ୍କ ହାତ ଧରିଛନ୍ତି ଭାରତୀୟ କ୍ରିକେଟ ଦଳର ଷ୍ଟାର ସ୍ପିନର କୁଲଦୀପ ଯାଦବ । ଉତ୍ତରାଖଣ୍ଡର ହିଲ୍ ଷ୍ଟେସନ ମସୁରୀର ସାଭୋଇ ହୋଟେଲରେ ତାଙ୍କର ବିବାହ ସମ୍ପନ୍ନ ହୋଇଛି । ଉତ୍ତରାଖଣ୍ଡର ମସୁରିରେ ହୋଇଥିଲା ବାହାଘର।
ବିବାହ ସମୟରେ କୁଳଦୀପ ଏକ ବାଦାମୀ ରଙ୍ଗର ଶେରୱାନୀ ପିନ୍ଧିଥିବା ବେଳେ ବଂଶିକା ପାରମ୍ପରିକ ଲାଲ ମେରୁନ୍ ରଙ୍ଗର ଲେହେଙ୍ଗାରେ ବେଶ୍ ସୁନ୍ଦର ଦେଖାଯାଉଥିଲେ। ବାହାଘରରେ ଉଭୟ ପରିବାର, ଆତ୍ମୀୟ, ସାଙ୍ଗସାଥି ସାମିଲ ହୋଇଥିଲେ। ସେହିପରି କୁଳଦୀପଙ୍କ ସାଥି ଖେଳାଳି ଯୁଜବେନ୍ଦର ଚହଲ, ତିଲକ ବର୍ମା, ରିଙ୍କୁ ସିଂ, ଫିଲଡିଂ କୋଚ୍ ଟି. ଦିଲୀପଙ୍କ ସମେତ ଅନେକ ଖେଳାଳି।
କୁଲଦୀପ ଯାଦବ ଏବଂ ବଂଶୀକାଙ୍କ ବିବାହ ରିସେପ୍ସନ ୧୭ ମାର୍ଚ୍ଚରେ ଲକ୍ଷ୍ନୌରେ ଅନୁଷ୍ଠିତ ହେବାର କାର୍ଯ୍ୟକ୍ରମ ରହିଛି। ଯେଉଁଥିରେ ଅନେକ ବଡ଼ ବଡ଼ ସେଲିବ୍ରିଟି ଓ ରାଜନେତା ଯୋଗଦେବାର କାର୍ଯ୍ୟକ୍ରମ ରହିଛି। କୁଳଦୀପ ଓ ବଂଶିକା ଦୀର୍ଘ ସମୟ ଧରି ପରସ୍ପରକୁ ଜାଣିଥିଲେ। ଗତବର୍ଷ ଜୁନ୍ ୪ରେ ଦୁହିଁଙ୍କର ନିର୍ବନ୍ଧ ହୋଇଥିଲା।
Powered by Froala Editor
