ଗ୍ୟାସ୍ ଆଣିବାକୁ ଯାଇଥିଲେ, ଚାଲିଗଲା ଜୀବନ
ରନ୍ଧନ ଗ୍ୟାସ୍ ଯୋଗାଣ ବାଧାପ୍ରାପ୍ତ ହୋଇଥିବାବେଳେ ଦେଶର ବିଭିନ୍ନ ଭାଗରେ ଏଲ୍ପିଜି ପାଇବା ପାଇଁ ଲମ୍ବା ଧାଡ଼ି ଦେଖିବାକୁ ମିଳୁଛି । ତେବେ ଲମ୍ବା ଧାଡିରେ ଦୀର୍ଘ ସମୟ ଠିଆ ହେବା ଯୋଗୁଁ ଜଣେ ବୃଦ୍ଧଙ୍କ ହୃଦ୍ଘାତରେ ମୃତ୍ୟୁ ଘଟିଛି । ମୃତକ ହେଲେ ସେହନା ଗ୍ରାମର ଭୂଷଣ କୁମାର ମିତ୍ତଲ । ଶୁକ୍ରବାର ସକାଳେ ପଞ୍ଜାବର ବର୍ନାଲା ଜିଲ୍ଲା ଅନ୍ତର୍ଗତ ସେହନାଠ ।ରେ ଘରୋଇ ଏଲ୍ପିଜି ସିଲିଣ୍ଡର ପାଇଁ ଧାଡ଼ିରେ ଅପେକ୍ଷାରତ ୬୬ ବର୍ଷୀୟ ଭୂଷଣ କୁମାରଙ୍କର ହୃଦ୍ଘାତରେ ମୃତ୍ୟୁ ଘଟିଥିବା ଅଭିଯୋଗ ହାଇଛି ।
ସେ ଗତ ୨/୩ ଦିନ ହେଲା ସିଲିଣ୍ଡର ପାଇବାକୁ ଉଦ୍ୟମ କରିଆସୁଥିଲେ । ଶୁକ୍ରବାର ସକାଳ ୭ଟାରୁ ସେ ଧାଡ଼ିରେ ଛିଡ଼ା ହୋଇଥିବାବେଳେ ସିଲିଣ୍ଡର ପାଇଁ ତାଙ୍କୁ ୨୫ ନମ୍ବର ଟୋକନ୍ ମିଳିଥିଲା । ୨ ଘଣ୍ଟାର ଅପେକ୍ଷା ପରେ ମିତ୍ତଲ ଏକ ସିଲିଣ୍ଡର ଉପରେ ବସିବାକୁ ଯାଉଥିବାବେଳେ ଚେତାଶୂନ୍ୟ ହୋଇ ପଡ଼ିଥିଲେ । ସେଠାରେ ଥିବା ଲୋକେ ତାଙ୍କୁ ତୁରନ୍ତ ପାଖ ହସ୍ପିଟାଲକୁ ନେଇଯାଇଥିଲେ । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏଭଳି ସ୍ଥିତି ଦେଖି ଲୋକଙ୍କ ମନରେ ଛନକା ପଶିଯାଇଛି ।
Powered by Froala Editor
