ପଶ୍ଚିମ ଏସିଆରେ ଚାଲିଥିବା ସଂଘର୍ଷ ଏକ ନୂତନ ଏବଂ ବିପଦପୂର୍ଣ୍ଣ ମୋଡ଼ ନେଇଛି। ଏପର୍ଯ୍ୟନ୍ତ ଯୁଦ୍ଧ ସୀମା ଏବଂ ସାମରିକ ଘାଟି ପର୍ଯ୍ୟନ୍ତ ସୀମିତ ଥିଲା, କିନ୍ତୁ ଏବେ ଏହା  ଯୁଦ୍ଧର ସୀମାକୁ ଅତିକ୍ରମ କରି ଶକ୍ତି ଆଡକୁ ଗତି କରୁଛି। ଏହା ପ୍ରଭାବ ତୈଳ ଏବଂ ଗ୍ୟାସ ଆଦିରେ ଦେଖିବାକୁ ମିଳିଛି।

କତରର ପ୍ରମୁଖ ଗ୍ୟାସ ପ୍ଲାଣ୍ଟ ଉପରେ ଇରାନ ଦ୍ୱାରା ଆକ୍ରମଣ ପରେ ଏସୀୟ ଦେଶଗୁଡ଼ିକୁ ଗ୍ୟାସ ଯୋଗାଣକୁ ଅସ୍ଥାୟୀ ଭାବରେ ବନ୍ଦ କରିଦେଇଛି। କତରର ପ୍ରମୁଖ ଗ୍ୟାସ ପ୍ଲାଣ୍ଟ ଉପରେ ଇରାନ ଦ୍ୱାରା ଆକ୍ରମଣ ପରେ, କତାର ସୁରକ୍ଷା କାରଣରୁ ଏସୀୟ ଦେଶଗୁଡ଼ିକୁ ଗ୍ୟାସ ଯୋଗାଣକୁ ଅସ୍ଥାୟୀ ଭାବରେ ବନ୍ଦ କରିଦେଇଛି।

ସୂତ୍ର ଅନୁଯାୟୀ, ଇରାନ କତରର ଗ୍ୟାସ କ୍ଷେତ୍ର ଏବଂ ପ୍ରକ୍ରିୟାକରଣ ପ୍ଲାଣ୍ଟଗୁଡ଼ିକୁ ଟାର୍ଗେଟ କରିଥିଲା, ଯାହା ବିଶ୍ୱର ସର୍ବବୃହତ ଗ୍ୟାସ ରପ୍ତାନି କେନ୍ଦ୍ର ମଧ୍ୟରୁ ଅନ୍ୟତମ। ଏହି ଆକ୍ରମଣଗୁଡ଼ିକ ଭିତ୍ତିଭୂମିକୁ ବହୁତ କ୍ଷତି ପହଞ୍ଚାଇଛି। ଏହାର ଜବାବରେ, କତର ସୁରକ୍ଷା ଏବଂ ବୈଷୟିକ ଯାଞ୍ଚ ପାଇଁ ଚୀନ୍, ଭାରତ, ଜାପାନ ଏବଂ ଦକ୍ଷିଣ କୋରିଆ ଭଳି ଏସୀୟ ଦେଶଗୁଡ଼ିକୁ LNG (ତରଳ ପ୍ରାକୃତିକ ଗ୍ୟାସ) ପଠାଇବା ବନ୍ଦ କରିଦେଇଛି।

ବିଶ୍ୱ ସ୍ତରରେ ବୃଦ୍ଧି ପାଉଥିବା ଗ୍ୟାସ୍ ମୂଲ୍ୟ ଘର, ଶିଳ୍ପ ଏବଂ ଶବଦାହ ସେବାରେ ମଧ୍ୟ ଅନୁଭୂତ ହେଉଛି। ଇରାନ, ଇସ୍ରାଏଲ ଏବଂ ଆମେରିକା ସହିତ ଜଡିତ ବିବାଦ ଯୋଗୁଁ ବିଶ୍ୱ ସ୍ତରରେ ଗ୍ୟାସ୍ ଏବଂ ଏଲ୍‌ଏନ୍‌ଜି ମୂଲ୍ୟ ବୃଦ୍ଧି ପାଇଛି। ଯଦିଓ ଭାରତ ସରକାର ଟିକସ ଓ ସବସିଡି ମାଧ୍ୟମରେ ଖୁଚୁରା ଇନ୍ଧନ ମୂଲ୍ୟକୁ ସ୍ଥିର ରଖିଛନ୍ତି। ତେବେ କିଛି କ୍ଷେତ୍ରରେ ଏହାର ପ୍ରଭାବ ଅନୁଭୁତ ହେବା ଆରମ୍ଭ କରିଛି। ଭାରତର ଏଲ୍‌ଏନ୍‌ଜି ଯୋଗାଣର ପ୍ରାୟ ଆଠ ପ୍ରତିଶତ କତାରରୁ ଆମଦାନି ବନ୍ଦ ହୋଇଯାଇଛି। ବର୍ତ୍ତମାନର ଷ୍ଟକ୍ କେବଳ ଦୁଇରୁ ଚାରି ସପ୍ତାହ ପାଇଁ ରହିବ ବୋଲି ଆକଳନ କରାଯାଉଛି।

ମାର୍ଚ୍ଚ ୫ ତାରିଖରେ ଜାରି ହୋଇଥିବା ଆଦେଶରେ ଘରୋଇ ଏଲ୍‌ପିଜି ସିଲିଣ୍ଡର ପାଇଁ ପ୍ରୋପେନ୍ ଏବଂ ବ୍ୟୁଟେନ୍ ଷ୍ଟକକୁ ପ୍ରାଥମିକତା ଦିଆଯାଇଥିଲା। ଫଳସ୍ୱରୂପ, ଅଣ-ଘରୋଇ ବ୍ୟବହାର ପାଇଁ ଗ୍ୟାସ୍ ଉପଲବ୍ଧତା ହ୍ରାସ ପାଇଛି। ବୈକୁଣ୍ଠ ଧାମ ଶ୍ମଶାନରେ, ତିନୋଟି ଗ୍ୟାସ-ଭିତ୍ତିକ ଚୁଲିକୁ ବନ୍ଦ କରିଦିଆଯାଇଛି। ସେଠାରେ ସାଧାରଣତଃ ପ୍ରତିଦିନ ପ୍ରାୟ ୨୦ ଶବଦାହ କରାଯାଇଥାଏ। ମାତ୍ର ବର୍ତ୍ତମାନ କେବଳ ଦୁଇ ଶବଦାହ ପାଇଁ ଏଲ୍‌ପିଜି ବାକି ଅଛି। ପ୍ରତି ଶବଦାହ ପାଇଁ ପ୍ରାୟ ୧୮ କିଲୋଗ୍ରାମ ଗ୍ୟାସ୍ ଆବଶ୍ୟକ ହୋଇଥାଏ। ସମସ୍ତ ଶବଦାହ ବର୍ତ୍ତମାନ ବୈଦ୍ୟୁତିକ ଚୁଲାରେ କରାଯାଉଛି। 

Powered by Froala Editor