ପ୍ଲେବ୍ୟାକ୍ ସିଙ୍ଗିଙ୍ଗ ଅବସର ଘୋଷଣା କରିବା ପରେ ଅରିଜିତ ସିଂ ଗ୍ରାମୀ-ନୋମିନେଟେଡ୍ ଅନୁଷ୍କା ଶଙ୍କରଙ୍କ ସହ ପ୍ରଥମ ଥର ଷ୍ଟେଜ ସେୟାର କରିଛନ୍ତି। ପ୍ଲେବ୍ୟାକ୍ ସିଙ୍ଗିଂ ଛାଡ଼ିବା ନେଇ ତାଙ୍କ ଘୋଷଣା ପରେ ଫ୍ୟାନ୍‌ମାନେ ଭାବବିହ୍ୱଳ ହୋଇପଡ଼ିଥିଲେ। ଏହି ମଧ୍ୟରେ ଅରିଜିତ୍ ସିଂହ କୋଲକାତାରେ ନିଜ ପ୍ରଥମ ଲାଇଭ୍ କନ୍ସର୍ଟ ପରିବେଶଣ କରି ଆଉଥରେ ଚର୍ଚ୍ଚାର କେନ୍ଦ୍ରବିନ୍ଦୁ ହୋଇଛନ୍ତି।

ଏହି ପରଫର୍ମ ତାଙ୍କ ଫ୍ୟାନ୍ସଙ୍କୁ ଆଶ୍ଚର୍ଯ୍ୟ କରିଛି । କାର୍ଯ୍ୟକ୍ରମ  କୋଲକାତାର ନେତାଜୀ ଇଣ୍ଡୋର ଷ୍ଟାଡିୟମରେ ଅନୁଷ୍ଠିତ ହୋଇଥିବା ବେଳେ ଦୁଇ ଆଇକନ୍ ଗୋଟିଏ ମଞ୍ଚରେ ଏକାଠି ହୋଇଥିଲେ । ଏଥିରେ ସୀତାର ବାଦକ ଅନୁଷ୍କା ଶଙ୍କର ଏବଂ ବାଦ୍ୟଯନ୍ତ୍ରବାଦକ ବିକ୍ରମ ଘୋଷ ଯୋଗ ଦେଇଥିଲେ ।

ଅନୁଷ୍କା ଅରିଜିତଙ୍କୁ ମଞ୍ଚରେ ସ୍ୱାଗତ କରିବା ମାତ୍ରେ, ଦର୍ଶକମାନେ ଜୋରଦାର ପ୍ରଶଂସା କରିଥିଲେ । ଏହି ସମୟରେ ଅରିଜିତ ଦର୍ଶକଙ୍କୁ ସମ୍ବୋଧିତ କରି କହିଥିଲେ, "ମୁଁ ବହୁତ ନର୍ଭସ । ମୋତେ ଗ୍ରହଣ କରିବା ପାଇଁ ଧନ୍ୟବାଦ ।" ତା'ପରେ ଗାୟକ ଅନୁଷ୍କା ଏବଂ ବିକ୍ରମ ଘୋଷଙ୍କ ସହିତ ଯୋଗ ଦେଇ ମାୟା ଭୋରା ରାତି ପରିବେଷଣ କରିଥିଲେ, ଯାହା ପଣ୍ଡିତ ରବି ଶଙ୍କରଙ୍କ ଦ୍ୱାରା ରଚିତ ଏବଂ ମୂଳତଃ ଲକ୍ଷ୍ମୀ ଶଙ୍କରଙ୍କ ଦ୍ୱାରା ଗାଇଥିବା ଏକ ବିରଳ ବଙ୍ଗାଳୀ ଗୀତ ।ସେପଟେ ଫ୍ୟାନ୍ସମାନେ ପ୍ରଦର୍ଶନ ଦେଖି ଭାବବିହ୍ୱଳ ହୋଇଥିଲେ ଏବଂ ଅନଲାଇନରେ ସେମାନଙ୍କର ଭାବନା ସେୟାର କରିଥିଲେ ।

Powered by Froala Editor