ଚେମେଣା ଓ ବାଉଁଶୁଳି ଲ୍ୟାମ୍ପସରେ ଧାନମଣ୍ଡିର ଶୁଭାରମ୍ଭ
ପାଟଣା: କେନ୍ଦୁଝର ଜିଲା ପାଟଣା ବ୍ଲକ ଚେମେଣା ଓ ବାଉଁଶୁଳି ଲ୍ୟାମ୍ପସରେ ସୋମବାର ଧାନମଣ୍ଡିର ଶୁଭାରମ୍ଭ ହୋଇଛି। ଚେମେଣା ଲ୍ୟାମ୍ପସରେ ରାଜ୍ୟ କୃଷକ ମୋର୍ଚ୍ଚା ଉପସଭାପତି ରାଧାକାନ୍ତ ମହାନ୍ତ ମୁଖ୍ୟ ଅତିଥି ଭାବରେ ଯୋଗଦେଇ ଫିତା କାଟି ଅନୁଷ୍ଠାନିକ ଭାବରେ ମଣ୍ଡିକୁ ଉଦଘାଟନ କରିଥିଲେ। ଏମ୍ ଡି ଶ୍ରୀପତି ମହାନ୍ତ, ଏ ଆର, ସି, ଏସ୍ ଅଧିକାରୀ ସୁଶୀଲ ଚନ୍ଦ୍ର ନାଏକ, ରାଜନଗର ଏମ୍ ଡି ନିମାଇଁ ମହାନ୍ତ ଉପସ୍ଥିତ ରହି ପ୍ରଥମ ଦିନ ରେ ୭ ଜଣ ଚାଷୀଙ୍କ ଠାରୁ ୧୪୦ କ୍ୱିଣ୍ଟାଲ ଧାନ କ୍ରୟ କରିଥିଲେ।
ସେହିପରି ବାଉଁଶୁଳି ଲ୍ୟାମ୍ପସରେ ମଧ୍ୟ ରାଜ୍ୟ କୃଷକ ମୋର୍ଚ୍ଚା ଉପସଭାପତି ରାଧାକାନ୍ତ ମହାନ୍ତ ମୁଖ୍ୟ ଅତିଥି ଭାବରେ ଯୋଗଦେଇ ଧାନ କିଣାର ଶୁଭାରମ୍ଭ କରିଥିଲେ। ଏମ୍ ଡି ବିଭୀଷଣ ମହାନ୍ତ ,ଏ,ଆର,ସି,ଏସ୍ କ୍ୱାଲିଟି ଆନାଲିଷ୍ଟ ମଦନ ମୋହନ ମହାନ୍ତ , ସଚିଦାନନ୍ଦ ମହାନ୍ତଙ୍କ ଉପସ୍ଥିତିରେ ୪ଜଣ ଚାଷୀଙ୍କ ଠାରୁ ଧାନ କିଣା ଯାଇଥିଲା।
Powered by Froala Editor
