ସୁଜାତାଙ୍କ ସପକ୍ଷରେ ଏମିତି କହିଲେ କଟକ ମେୟର ସୁବାସ ସିଂହ
କଟକ: ପୂର୍ବତନ ପ୍ରଶାସନିକ ଅଧିକାରୀ ସୁଜାତା କାର୍ତ୍ତିକେୟନ ବିଜେଡିର ମଙ୍ଗ ଧରିବା ନେଇ ଚର୍ଚ୍ଚା ଜୋର ଧରିଛି। ଏଥିପାଇଁ ଦଳୀୟ ନେତାଙ୍କ ମଧ୍ୟରେ ବିଭିନ୍ନ ମତ ପ୍ରକାଶ ପାଉଥିବାବେଳେ ସୁଜାତାଙ୍କ ସପକ୍ଷରେ କଟକ ମେୟର ସୁବାସ ସିଂହ କହିଛନ୍ତି। ଗୁରୁବାର ଏକ କାର୍ଯ୍ୟକ୍ରମରେ ସେ ଗଣମାଧ୍ୟମକୁ ଏ ସଂକ୍ରାନ୍ତରେ ନିଜର ପ୍ରତିକ୍ରିୟା ଦେଇଥିଲେ। ସେ କହିଥିଲେ ଯେ, ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ପ୍ରତି ରାଜ୍ୟବାସୀଙ୍କର ପୂର୍ଣ୍ଣ ସମର୍ଥନ ଏବଂ ବିଶ୍ବାସ ରହିଛି। ଅତୀତରେ ତାଙ୍କ ପ୍ରତି ଯେଭଳି ଭଲପାଇବା ରହିଥିଲା ଏବେ ମଧ୍ୟ ରହିଛି। ସେ ଯାହାକୁ ଚାହିଁବେ ତାହାକୁ ପଦରେ ଅବସ୍ଥାପିତ କରିବେ। ରାଜ୍ୟରେ ମହିଳାମାନଙ୍କର ସାମାଜିକ ଓ ଅର୍ଥନୈତିକ ବିକାଶ ଏବଂ ମହିଳା ସଶକ୍ତୀକରଣ କ୍ଷେତ୍ରରେ ସୁଜାତା କାର୍ତ୍ତିକେୟନଙ୍କ ଅବଦାନ ଅତୁଳନୀୟ। ସେ ଚାକିରି ଛାଡ଼ି ଜନସେବା ଲକ୍ଷ୍ୟ ରଖି ଦଳରେ ଯୋଗ ଦେଇଛନ୍ତି। ତେଣୁ ଏହାକୁ ନେଇ କୌଣସି ଆଲୋଚନା ନହେବା ଆବଶ୍ୟକ। ଏବେ ଦଳ ସଙ୍ଗଠିତ ରହିଛି।ନବୀନ ପଟ୍ଟନାୟକ ସମ୍ପୂର୍ଣ୍ଣ ସୁସ୍ଥ ଥିବାବେଳେ ତାଙ୍କ ସ୍ବାସ୍ଥ୍ୟ ସମ୍ପର୍କରେ ଅପପ୍ରଚାର କରାଯାଉଛି। ରାଜ୍ୟରେ ହିଂସା, ମହିଳାଙ୍କ ଉପରେ ଅତ୍ୟାଚାର, ଦରଦାମ ବୃଦ୍ଧି ଏବେ ପ୍ରସଙ୍ଗ ହୋଇଉଠିଛି।
Powered by Froala Editor
