ସାମନ୍ଥା ପ୍ରଭୁ ଓ ରାଜ ନିଦିମୋରୁଙ୍କ ଡେଟିଂ ଖବର ବହୁତ ଦିନ ଧରି ଚର୍ଚ୍ଚାର ବିଷୟ ହୋଇଥିଲା। କିନ୍ତୁ ଏବେ ଏହି ଯୋଡ଼ି ବିବାହ କରିସାରିଛନ୍ତି । ସେ ପ୍ରଥମେ ଅଭିନେତା ନାଗା ଚୈତନ୍ୟଙ୍କୁ ବିବାହ କରିଥିଲେ। କିନ୍ତୁ କିଛି ବର୍ଷ ପରେ ସେମାନେ ଅଲଗା ହୋଇଯାଇଥିଲେ। ଛାଡ଼ପତ୍ର ପରେ ନାଗା ଚୈତନ୍ୟ ଅଭିନେତ୍ରୀ ଶୋଭିତା ଧୂଲିପାଲାଙ୍କୁ ଦ୍ବିତୀୟ ବିବାହ କରିସାରିଛନ୍ତି। ନାଗାଙ୍କ ବିବାହ ପରେ ଏବେ ସମାନ୍ଥା ମଧ୍ୟ ବିବାହ କରିଛନ୍ତି। ମନ୍ଦିରରେ ସେ ଲୋକପ୍ରିୟ ନିର୍ଦ୍ଦେଶକ ରାଜ ନିଦିମୋରୁଙ୍କୁ ବିବାହ କରିଥିବା ଜଣାପଡ଼ିଛି।

ଇନ୍‌ଷ୍ଟାଗ୍ରାମରେ ଫଟୋ ସେୟାର କରି ସମାନ୍ଥା‌ ବିବାହ କରିଥିବା ଘୋଷଣା କରିଛନ୍ତି। ଲାଲ୍ ଶାଢ଼ି ପିନ୍ଧିଥିବା ସମାନ୍ଥ‌ା ଅତି ସୁନ୍ଦର ଦିଶୁଥିବା ବେଳେ ଫଟୋରେ ଉଭୟ ବହୁତ ଖୁସି ଜଣାପଡ଼ୁଛନ୍ତି। 

ସୋମବାର ସକାଳେ ଦୁହେଁ ବିବାହ କରିଛନ୍ତି। କୋଏମ୍ବାଟୁରରେ ଥିବା ଈଶା ୟୋଗା ସେଣ୍ଟରରେ ଥିବା ଲିଙ୍ଗ ଭୈରବୀ ମନ୍ଦିରରେ ବିବାହ କରିଛନ୍ତି ସମାନ୍ଥା-ରାଜ୍। ବିବାହରେ ମାତ୍ର ୩୦ଜଣ ଅତିଥି ଥିଲେ ବୋଲି କୁହାଯାଉଛି। ଅଭିନେତ୍ରୀଙ୍କ ଏହି ଘୋଷଣା ପରେ ଏବେ ତାଙ୍କ ପାଖକୁ ଶୁଭେଚ୍ଛାର ସୁଅ ଛୁଟିଛି।

ରାଜ୍ ନିଦିମୋରୁ କେବଳ ଟାଲେଣ୍ଟେଡ୍ ନୁହଁନ୍ତି, ବରଂ ବହୁତ ଧନୀ ମଧ୍ୟ। ରିପୋର୍ଟ୍ ଅନୁଯାୟୀ, ୨୦୨୫ରେ ତାଙ୍କର ମୋଟ ସମ୍ପତ୍ତି ପ୍ରାୟ ୮୩-୮୫ କୋଟି ଟଙ୍କାର ପାଖାପାଖି ଥିଲା । 'ଦ ଫ୍ୟାମିଲି ମ୍ୟାନ୍', 'ଗୋ ଗୋଆ ଗନ୍' ଏବଂ 'ଫର୍ଜି' ଭଳି ହିଟ୍ ତାଙ୍କୁ ଇଣ୍ଡଷ୍ଟ୍ରୀର ମନି-ମେସିନ୍ ଡାୟରେକ୍ଟର୍ ଭାବେ ପରିଚିତ କରିଛି ।

ବଲିଉଡ ଏବଂ ସାଉଥ୍ ଇଣ୍ଡଷ୍ଟ୍ରୀର ବିଶ୍ୱରେ ଯେତେବେଳେ ରାଜ୍ ଏବଂ ଡି.କେ ର ନାମ ଆସେ, ସେତେବେଳେ 'ଦ ଫ୍ୟାମିଲି ମ୍ୟାନ୍' ଏବଂ 'ଫର୍ଜି' ଭଳି ବ୍ଲକବଷ୍ଟର ସିରିଜ ଗୁଡିକ ମନକୁ ଆସେ । କିନ୍ତୁ ଏବେ ନିର୍ଦ୍ଦେଶକ ରାଜ୍ ନିଦିମୋରୁ ନିଜର କାମରୁ ଅଧିକ, ସାମନ୍ଥା ପ୍ରଭୁଙ୍କ ସ୍ବାମୀ ଭାବେ ଅଧିକ ଚର୍ଚ୍ଚାରେ ରହିବେ । 

Powered by Froala Editor