ଭାରତରେ ‘HR88B8888’ ନମ୍ବରଟି ଅନ୍ୟ ସମସ୍ତଙ୍କୁ ପଛରେ ପକାଇ ରେକର୍ଡ ଭାଙ୍ଗିଛି। ହରିୟାଣାରେ ଗତ ବୁଧବାର ୧.୧୭ କୋଟି ଟଙ୍କାରେ ଏହା ବିକ୍ରି ହୋଇଛି । ହରିୟାଣା ଭିଆଇପି ବା ଫ୍ୟାନ୍ସି ନମ୍ବର ପ୍ଲେଟ୍ ପାଇଁ ସପ୍ତାହିକ ଅନ୍‌ଲାଇନ୍ ନିଲାମର ଆୟୋଜନ କରେ। ଶୁକ୍ରବାର ସନ୍ଧ୍ୟା ୫ଟାରୁ ସୋମବାର ସକାଳ ୯ଟା ମଧ୍ୟରେ ଲୋକେ ନିଜ ପସନ୍ଦର ନମ୍ବର ପ୍ଲେଟ୍ ପାଇଁ ଆବେଦନ କରିପାରିବେ । ଏହା ପରେ ନିଲାମ ଆରମ୍ଭ ହୁଏ ଏବଂ ବୁଧବାର ସନ୍ଧ୍ୟା ୫ଟାରେ ଫଳାଫଳ ଘୋଷଣା ହେବା ପର୍ଯ୍ୟନ୍ତ ଏହା ଜାରି ରହେ । ଫ୍ୟାନ୍ସି ଡଟ୍ ପରିବହନ ଡଟ୍ ଜିଓଭି ଡଟ୍ ଇନ୍ ଡଟ୍ ପୋର୍ଟାଲରେ ଏହି ନିଲାମ ଚାଲେ ।

ଅନୁଷ୍ଠିତ ଏହି ନିଲାମରେ, ଏହି ମହଙ୍ଗା କାର୍ ନମ୍ବର ପ୍ଲେଟ୍ ୧.୧୭ କୋଟି ଟଙ୍କାରେ ବିକ୍ରି ହୋଇଥିଲା ଏବଂ ଦେଶର ସବୁଠାରୁ ମହଙ୍ଗା ପ୍ଲେଟ୍ ହୋଇଗଲା। ଏବେ ପ୍ରଶ୍ନ ହେଉଛି ଏତେ ମହଙ୍ଗା ନମ୍ବର ପ୍ଲେଟ୍ କିଣିଥିବା ବ୍ୟକ୍ତିଙ୍କୁ କେତେ ଟିକସ ଦେବାକୁ ପଡ଼ିବ।

ଅନେକ ରାଜ୍ୟରେ ଫ୍ୟାନ୍ସି ନମ୍ବର ପ୍ଲେଟଗୁଡ଼ିକ ଉପରେ ବିଭିନ୍ନ ହାରରେ ଟିକସ ଲାଗୁ ହୁଏ, କିଛି ରାଜ୍ୟରେ ୧୮% GST ଏବଂ ଅନ୍ୟ ରାଜ୍ୟରେ କେବଳ ପଞ୍ଜୀକରଣ ଶୁଳ୍କ ନିଆଯାଏ। ତଥାପି, ସରକାର ଏବେ ସେଗୁଡ଼ିକୁ ବିଳାସପୂର୍ଣ୍ଣ ସାମଗ୍ରୀ ଭାବରେ ବର୍ଗୀକୃତ କରିବାକୁ ପ୍ରସ୍ତୁତ ହେଉଛନ୍ତି। ଫ୍ୟାନ୍ସି ନମ୍ବର ପ୍ଲେଟଗୁଡ଼ିକ ଉପରେ ୨୮% GST ଲଗାଇବା ପ୍ରସ୍ତାବ ଦିଆଯାଇଛି। ଏହାର ସ୍ପଷ୍ଟ ଅର୍ଥ ହେଉଛି କୋଟି କୋଟି ଟଙ୍କାରେ ବିକ୍ରି ହେଉଥିବା ନମ୍ବର ପ୍ଲେଟଗୁଡ଼ିକ ମଧ୍ୟ ଭାରୀ ଟିକସ ବୋଝର ସମ୍ମୁଖୀନ ହେବେ।

Powered by Froala Editor