ଭାରତୀୟ ଟେଲିଭିଜନର ନୁପୁର ଅଳଙ୍କାର ତାଙ୍କର ଅଭିନୟ କ୍ୟାରିଅର, ବିବାହ ଏବଂ ସାଂସାରିକ ଜୀବନକୁ ପଛରେ ପକାଇ ଆଧ୍ୟାତ୍ମିକ ପଥ ଗ୍ରହଣ କରିଛନ୍ତି। ବର୍ତ୍ତମାନ ହିମାଳୟରେ ପିତମ୍ବ୍ରା ମା’ ଭାବରେ ଗୁମ୍ଫାରେ ବାସ କରୁଛନ୍ତି। 

ବହୁ ବର୍ଷ ଧରି, ନୁପୁର ଅଳଙ୍କାର ଭାରତୀୟ ଟେଲିଭିଜନରେ ଏକ ପରିଚିତ ଚେହେରା ଥିଲେ। ସେ ୧୫୦ ରୁ ଅଧିକ ହିଟ୍ ସିରିଏଲରେ ଅଭିନୟ କରିଥିଲେ । କିନ୍ତୁ ବାସ୍ତବ ଜୀବନର କାହାଣୀ ଏକ ସମ୍ପୂର୍ଣ୍ଣ ଭିନ୍ନ ମୋଡ଼ ନେଇଥିଲା। ଅଭିନେତ୍ରୀ, ତାଙ୍କ ଅଭିନୟ କ୍ୟାରିଅର, ଭୌତିକ ସୁଖ ସୁବିଧା ଏବଂ ତାଙ୍କ ବିବାହକୁ  ତ୍ୟାଗ କରି ଆଧ୍ୟାତ୍ମିକ ପଥ ଅନୁସରଣ କରିଥିଲେ। ଆଜି ସେ ହିମାଳୟରେ ଏକ ସାଧାରଣ ଜୀବନଯାପନ କରୁଛନ୍ତି। ଅନ୍ୟର ଦାନରେ ତାଙ୍କର ଜୀବନ ବିତୁଛି। 

୨୦୨୨ ମସିହାରେ, ନୁପୁର ମନୋରଞ୍ଜନରୁ ଦୂରେଇ ଯିବାକୁ ନିଷ୍ପତ୍ତି ନେଇଥିଲେ। ତାଙ୍କର ଏହି ନିଷ୍ପତ୍ତି ଏକ ବିରାଟ ବ୍ୟକ୍ତିଗତ ଅଶାନ୍ତିର ସମୟ ପରେ ଆସିଥିଲା। ସେ ତାଙ୍କ ମା’ ଏବଂ ଭଉଣୀଙ୍କୁ ହରାଇଥିଲେ। ପ୍ରାୟ ସେହି ସମୟରେ ପଞ୍ଜାବ ଏବଂ ମହାରାଷ୍ଟ୍ର ସମବାୟ ବ୍ୟାଙ୍କ ଲିମିଟେଡ୍ (PMC) ବ୍ୟାଙ୍କ ଦୁର୍ନୀତି ଯୋଗୁ ତାଙ୍କର ଆର୍ଥିକ ପରିସ୍ଥିତି ଭୁଶୁଡ଼ି ପଡ଼ିଥିଲା। ଏହି ପରିବର୍ତ୍ତନ ବ୍ୟକ୍ତିଗତ ଦୁଃଖ ଏବଂ ଆର୍ଥିକ ବିପର୍ଯ୍ୟୟ ପରେ ତାଙ୍କ ଜୀବନରେ ଆସିଛି। 

ନୁପୁର ତାଙ୍କ ଦୁଇ ଦଶନ୍ଧିରୁ ଅଧିକ ସମୟ ଧରି କ୍ୟାରିଅରରେ ୧୫୫ ରୁ ଅଧିକ ଟେଲିଭିଜନ ଧାରାବାହିକରେ କାମ କରିଥିଲେ। ସେ ଶକ୍ତିମାନ , ଘର କି ଲକ୍ଷ୍ମୀ ବେଟିୟାଁ, ଆଗଲେ ଜନମ୍ ମୋହେ ବିଟିଆ ହି କିଜୋ, ରେଥ୍ ଏବଂ ଦିୟା ଔର ବାତି ହମ୍ ଭଳି ଶୋ’ରେ ଅଭିନୟ କରିଥିଲେ।

Powered by Froala Editor