ଆଚାର୍ଯ୍ୟ ଚାଣକ୍ୟ ନିଜର ନୀତିଶାସ୍ତ୍ରରେ ମନୁଷ୍ୟ ଜୀବନ ସହ ଜଡ଼ିତ ଅନେକ ସମସ୍ୟା ଏବଂ ତାର ସମାଧାନ ବିଷୟରେ ଉଲ୍ଲେଖ କରିଛନ୍ତି। ବିଶେଷକରି ଜୀବନକୁ ସହଜ ଏବଂ ସରଳ କରିବାକୁ ନେଇ ଚାଣକ୍ୟ ଅନେକ ଉପାୟ କହିଛନ୍ତି। ଯେପରିକି:

ଯାହା ବିତିଗଲା ତାକୁ ଭୁଲିଯାଆନ୍ତୁ: ଚାଣକ୍ୟ କୁହନ୍ତି ଜଣେ ଯଦି ଜୀବନରେ ସୁଖ ଶାନ୍ତି ଚାହାନ୍ତି ତେବେ ଯାହା ବିତିଯାଇଛି ତାକୁ ଭୁଲିଯାଆନ୍ତୁ। ଯଦି କେହି ଅତୀତକୁ ବାରମ୍ବାର ମନେ ପକାଇଥାଏ, ତେବେ ତାକୁ କଷ୍ଟ ହୋଇଥାଏ। 

ଭୁଲ ଉପାୟରେ ଧନ ଅର୍ଜନ କରନ୍ତୁ ନାହିଁ: ଚାଣକ୍ୟ କୁହନ୍ତି ଯେଉଁ ବ୍ୟକ୍ତି ଚରିତ୍ରକୁ ନଷ୍ଟ କରି ଟଙ୍କା ରୋଜଗାର କରିଥାନ୍ତି ସେମାନେ ଜୀବନରେ କେବେ ହେଲେ ସଫଳ ହୁଅନ୍ତି ନାହିଁ। ସେମାନେ ଜୀବନରେ ଯନ୍ତ୍ରଣା ଭୋଗିଥାନ୍ତି।

ଦୁଷ୍ଟମାନଙ୍କ ପ୍ରତି ସାବଧାନ ରୁହ: ଚାଣକ୍ୟ କୁହନ୍ତି ଜଣେ ସର୍ବଦା ନିଜ ଜୀବନରେ ଥିବା ଖରାପ ଲୋକଙ୍କଠାରୁ ଦୂରରେ ରହିବା ଉଚିତ। 

ଏପରି ଲୋକଙ୍କଠାରୁ ଦୂରରେ ରୁହନ୍ତି ଲକ୍ଷ୍ମୀ: ଲକ୍ଷ୍ମୀ ସର୍ବଦା ଏଭଳି ଲୋକଙ୍କଠାରୁ ଦୂରେଇ ରୁହନ୍ତି ଯାହାର ଦାନ୍ତ ସଫା ନ ଥାଏ, ଯେଉଁମାନେ ପରିଷ୍କାର ପୋଷାକ ପିନ୍ଧନ୍ତି ନାହିଁ ଏବଂ କଠୋର ଶବ୍ଦ କୁହନ୍ତି। ଏପରି ବ୍ୟକ୍ତିତ୍ୱ ଯେତେ ବଡ଼ ହେଲେ ମଧ୍ୟ ଲକ୍ଷ୍ମୀଙ୍କ ଆଶୀର୍ବାଦ କେବେବି ପ୍ରାପ୍ତ ହୁଏ ନାହିଁ।

ତୁମର ଦୁର୍ବଳତା ଅନ୍ୟକୁ ଦେଖାନ୍ତୁ ନାହିଁ: ଆଚାର୍ଯ୍ୟ ଚାଣକ୍ୟ କୁହନ୍ତି ଜଣେ ବ୍ୟକ୍ତି ନିଜର ଦୁର୍ବଳତା କେବେବି ଅନ୍ୟକୁ ଦେଖାଇବା ଉଚିତ ନୁହେଁ । ଏପରି କରିବା ଦ୍ୱାରା ଜଣେ ବିଭିନ୍ନ ପ୍ରକାରର ଅସୁବିଧାର ସମ୍ମୁଖୀନ ହୋଇଥାଏ। 

Powered by Froala Editor