ମଙ୍ଗଳବାର ରାତିରେ କର୍ନାଟକର ବେଙ୍ଗାଲୁରୁର ସୁଦ୍ଦାଗୁଣ୍ଟେପାଲ୍ୟାରେ ୨୭ ବର୍ଷୀୟା ଟେକ୍ନିସିଆନ ଶିଳ୍ପାଙ୍କ ମୃତଦେହ ଘରେ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଥିଲା। ଯୌତୁକ ପାଇଁ ନିରନ୍ତର ନିର୍ଯାତନା ଯୋଗୁ ଶିଳ୍ପା ଆତ୍ମହତ୍ୟା କରିଥିବା ତାଙ୍କ ପରିବାର ପୋଲିସରେ ଅଭିଯୋଗ କରିଛନ୍ତି। ଶିଳ୍ପାଙ୍କ ସ୍ବାମୀ ପ୍ରବୀଣଙ୍କୁ ପୋଲିସ ଗିରଫ କରିଛି।

ଶିଳ୍ପା ତିନି ବର୍ଷ ପୂର୍ବେ ପ୍ରବୀଣ ନାମକ ଜଣେ ଯୁବକଙ୍କୁ ବିବାହ କରିଥିଲେ। ସେମାନଙ୍କର ଏକ ସନ୍ତାନ ମଧ୍ୟ ଥିଲା। ପ୍ରାଣହାରିବା ସମୟରେ ଦେଢ଼ ମାସର ଗର୍ଭବତୀ ଥିଲେ ମହିଳା। ମୃତକଙ୍କ ପରିବାର ଲୋକେ ସ୍ୱାମୀ ପ୍ରବୀଣଙ୍କ ନାଁରେ ଅଭିଯୋଗ ଆଣିଛନ୍ତି।

ଯେତେବେଳେ ଶିଳ୍ପାଙ୍କର ବି.ଟେକ୍ ସରିଲା, ସେତେବେଳେ ତାଙ୍କ ବାପା-ମା ଶିଳ୍ପାଙ୍କୁ ପ୍ରବୀଣଙ୍କ ସହ ବିବାହ କରାଇ ଥିଲେ। ପ୍ରବୀଣ ଏକ ସଫ୍ଟୱେର୍ କମ୍ପାନୀରେ କାମ କରୁଥିଲେ। ଶିଳ୍ପାଙ୍କ ବାପାମା ତାଙ୍କୁ 130 ଗ୍ରାମ ସୁନା ଦେଇଥିଲେ ଏବଂ ବିବାହରେ 35 ଲକ୍ଷ ଟଙ୍କା ଖର୍ଚ୍ଚ କରିଥିଲେ। କିନ୍ତୁ ପ୍ରବୀଣଙ୍କ ଆହୁରି ଟଙ୍କା ଲୋଭ କରିଥିଲେ। ବିବାହ ପରେ ମଧ୍ୟ ସେ ସେମାନଙ୍କୁ ଟଙ୍କା ପାଇଁ ହଇରାଣ କରିଥିଲେ।

ଶିଳ୍ପା ମଧ୍ୟ ସଫ୍ଟୱେର୍ ଚାକିରି ଛାଡ଼ି ତାଙ୍କ ବାପାଙ୍କଠାରୁ 5 ଲକ୍ଷ ଟଙ୍କା ନେଇ ଗୁପ୍ଚୁପ ବ୍ୟବସାୟ ଆରମ୍ଭ କରିଥିଲେ। ଶିଳ୍ପାଙ୍କ ପିତାମାତା କହିଛନ୍ତି ଯେ, ଶିଳ୍ପାଙ୍କ ସ୍ୱାମୀ ପ୍ରବୀଣ 2 ଦିନ ପୂର୍ବରୁ ସେମାନଙ୍କୁ ଫୋନ୍ କରିଥିଲେ। ସେ କହିଥିଲେ ଯେ, ତୁମ ଝିଅର ହୃଦଘାତ ହୋଇଛି, ଏଠାକୁ ଆସନ୍ତୁ।

ଅଭିଯୋଗରେ କୁହାଯାଇଛି ଯେ ଶାଶୁ ଶିଳ୍ପାକୁ କହିଥିଲେ, ‘ତୁମେ କଳା, ମୋ ପୁଅ ପାଇଁ ଭଲ ନୁହେଁ। ତାକୁ ଛାଡିଦିଅ, ଆମେ ତା ପାଇଁ ଭଲ କନ୍ୟା ଖୋଜିବୁ।’ ଏପରି ମନ୍ତବ୍ୟ ଶିଳ୍ପାଙ୍କ ପାଇଁ ଗଭୀର ଆଘାତ ସୃଷ୍ଟି କରିଥିଲା। ଯାହା ଫଳରେ ସେ ଚରମ ନିଷ୍ପତ୍ତି ନେଇଥିଲେ ବୋଲି ତାଙ୍କ ପରିବାର ଅଭିଯୋଗ କରିଛନ୍ତି। କିନ୍ତୁ ୍ଆସିବା ପରେ ଝିଅ ମୃତ୍ୟୁ ଘଟିଥିବା ଦେଖିବାକୁ ପାଇଥିଲେ । 

Powered by Froala Editor