ଦ୍ୱିତୀୟ ବିବାହ ପାଇଁ ରେଡ୍ଡି ଅଛନ୍ତି ମଲାଇକା
ଅରବାଜ୍ଙ୍କ ପରେ ମଲାଇକା କରିବେ ଦ୍ୱିତୀୟ ବିବାହ । ଯାହାକୁ ନେଇ ଏବେ ଚର୍ଚ୍ଚା ଜୋର ଧରିଛି । କାରଣ ମଲାଇକା ଦ୍ୱିତୀୟ ବିବାହ ସମ୍ପର୍କରେ ମନ ଖୋଲି ନିଜ ମନ୍ତବ୍ୟ ପ୍ରକାଶ କରିଛନ୍ତି ।
୨୦୧୭ରେ ଅରବାଜଙ୍କଠାରୁ ଅଲଗା ହେବା ପରେ ୨୦୧୮ରେ ମଲାଇକା ଅର୍ଜୁନ କପୁରଙ୍କୁ ଡେଟ୍ କରିବା ଆରମ୍ଭ କରିଦେଲେ । ଦୁହିଁଙ୍କ ସମ୍ପର୍କକୁ ନେଇ ଚାରିଆଡେ ଚର୍ଚ୍ଚା ବଢ଼ିଲା । କଥା ବାହାଘର ପର୍ଯ୍ୟନ୍ତ ପହଞ୍ଚିଗଲା । ପ୍ରତ୍ୟେକ ପାର୍ଟି, ଫଙ୍କଶନରେ ଦୁହିଁଙ୍କୁ ଏକାଠି ଦେଖିବାକୁ ମିଳିଲା । କିନ୍ତୁ କୌଣସି କାରଣରୁ ଦୁହିଁଙ୍କ ସମ୍ପର୍କରେ ପୂର୍ଣ୍ଣଚ୍ଛେଦ ପଡ଼ିଯାଇଛି । କିନ୍ତୁ ଏତେ ସବୁ ପରେ ବି ମଲାଇକା ପୁଣିଥରେ ପ୍ରେମରେ ପଡ଼ିବାକୁ ପ୍ରସ୍ତୁତ ଥିବା କହିଛନ୍ତି ।
ଅରବାଜଙ୍କଠାରୁ ଅଲଗା ହେବା ପରେ ମଲାଇକାକୁ ଦ୍ୱିତୀୟ ବିବାହ କରିବା ପାଇଁ ତାଙ୍କ ଘରଲୋକ ଓ ବନ୍ଧୁ ପରାମର୍ଶ ଦେଇଥିଲେ । ସେମାନଙ୍କ କଥାକୁ ମଲାଇକା ଏଡ଼ାଇ ପାରି ନଥିଲେ । ସେ କହିଛନ୍ତି, ପ୍ରେମକୁ ମୁଁ କେବେ ବାରଣ କରିପାହିଁ । ସବୁବେଳେ ଭଲପାଇବାକୁ ଗୋଟିଏ ମଉକା ଦେବାକୁ ଚାହେଁ । ଏକ ଏଣ୍ଟରଟେନମେଣ୍ଟ ଚ୍ୟାନେଲକୁ ପ୍ରତିକ୍ରିୟା ଦେଇ ଏମିତି କିଛି କହିଛନ୍ତ ମଲାଇକା । କିନ୍ତୁ ବିବାହକୁ ନେଇ କେତେ ସତ୍ୟାସତ୍ୟ ଅଛି, ତାହା ଜଣାପଡ଼ି ନାହିଁ ।
Powered by Froala Editor
