ବଲିଉଡ୍ ଅଭିନେତ୍ରୀ କିଆରା ଆଡଭାନୀ ଏବଂ ସିଦ୍ଧାର୍ଥ ମାଲହୋତ୍ରାଙ୍କର ଏକ ଶିଶୁକନ୍ୟା ହୋଇଛି। ବୁଧବାର (ଜୁଲାଇ 16) ଦିନ, ଉଭୟେ ଇନଷ୍ଟାଗ୍ରାମରେ ଏକ ସୁନ୍ଦର ନୋଟ୍ ମାଧ୍ୟମରେ ଅଫିସିଆଲ ଭାବରେ ଏହି ଖବର ଘୋଷଣା କରିଛନ୍ତି। ଏହି ଖବର ସାମ୍ନାକୁ ଆସିବା ପରେ ଦୁହିଁଙ୍କ ପ୍ରଶଂସକ ଏବଂ ଅନେକ ସେଲିବ୍ରିଟି କିଆରା ଏବଂ ସିଦ୍ଧାର୍ଥଙ୍କୁ ଅଭିନନ୍ଦନ ଜଣାଇବା ଆରମ୍ଭ କରିଛନ୍ତି। 

ବୁଧବାର ଦିନ, ଏହି ଦମ୍ପତି ଇନଷ୍ଟାଗ୍ରାମରେ ଏକ Combined Note ପୋଷ୍ଟ କରିଛନ୍ତି। ଏଥିରେ ଲେଖାହୋଇଛି, “ଆମର ହୃଦୟ ପୂର୍ଣ୍ଣ ଏବଂ ଆମର ଦୁନିଆ ସବୁଦିନ ପାଇଁ ବଦଳି ଯାଇଛି। ଆମେ ଏକ ଶିଶୁକନ୍ୟା ସହ ଆଶୀର୍ବାଦ ପାଇଛୁ।” ସେମାନେ ହାତ ଯୋଡି, ଏକ ହାର୍ଟ ଏବଂ ଏକ ଇଭିଲ ଆଇ ଇମୋଜି ସହ ଏହି ନୋଟ୍ ସେୟାର କରିଛନ୍ତି। ନୋଟ୍ ରେ ଗୋଲାପୀ ରଙ୍ଗର ଟଚ ରହିଛି, ଯାହା ଉପରେ ହାର୍ଟ ଏବଂ ଷ୍ଟାର ମଧ୍ୟ ରହିଛି। 

ଉଲ୍ଲେଖଯୋଗ୍ୟ, କିଆରା ଏବଂ ସିଦ୍ଧାର୍ଥଙ୍କର ଦେଖା ୨୦୨୧ ମସିହାରେ ନିର୍ମିତ ଫିଲ୍ମ "ଶେରଶାହ"ର ସୁଟିଂ ସେଟରେ ହୋଇଥିଲା। ଏହି ଫିଲ୍ମ‌ରେ ସିଦ୍ଧାର୍ଥ, ପରମ ବୀର ଚକ୍ର ପାଇଥିବା ସ୍ୱର୍ଗତଃ କ୍ୟାପଟେନ ବିକ୍ରମ ବାତ୍ରାଙ୍କ ଭୂମିକାରେ ଅଭିନୟ କରିଥିଲେ। ଏହା ସହ କିଆରା ତାଙ୍କ ପ୍ରେମିକା ଡିମ୍ପଲ ଚିମାଙ୍କ ଭୂମିକାରେ ଅଭିନୟ କରିଥିଲେ। ଏହି ଫିଲ୍ମର ସୁଟିଂ ସମୟରେ ଦୁହିଁଙ୍କ ମଧ୍ୟରେ ଘନିଷ୍ଠତା ବୃଦ୍ଧି ପାଇଥିଲା । ଏହା ପରେ ୨୦୨୩ରେ ଦୁହେଁ ବିବାହ ବନ୍ଧନରେ ବାନ୍ଧି ହୋଇଥିଲେ। 

Powered by Froala Editor